Хаартыска: ЯСИА
Саҥа дьыл үүнэрэ чугаһаата. Бу кэмҥэ үгүс дьон инники былааннарын торумнууллар, түмүктэри таһаараллар, иэстэрин-күүстэрин аахсаллар.
Нолуокка иэһи хайдах төлүөххэ сөбүн туһунан ыйытыыга Арассыыйа ФНС Саха Өрөспүүбүлүкэтигэр управлениетын судаарыстыбаннай өҥөлөрү оҥорууга 1 №-дээх отделын кылаабынай судаарыстыбаннай нолуокка иниспиэктэрэ Елена Слепцова маннык хоруйдаата:
— Иэһи ханна көрүөххэ сөбүй? Нолуогу төлөөһүҥҥэ иэһи Арассыыйа ФНС www.nalog.gov.ru саайтыгар “Нолуогу төлөөччү тус кэбиниэтэ” (“Личный кабинет налогоплательщика физического лица”) сервис көмөтүнэн Госөҥө порталыгар эбэтэр нолуок уорганыгар тиийэн бэрэбиэркэлээҥ.
Өскөтүн нолуогун кэмигэр төлөөбөтөҕүнэ? Ол аата бу киһи нөҥүө күнүттэн иэстээх киһинэн буолар. Нолуогу хойутатыы иһин РФ Нолуокка кодексынан пеня көрүллэр. Уһатан төлөөһүн хас биирдии күнүгэр пеня ааҕыллар, нолуогу төлүөхтээх күнүн кэннинээҕи күнтэн саҕалаан.
Хайдах төлүөххэ? ФНС саайтыгар тэйиччиттэн “Уплата налогов и пошлин” сервиһинэн, “Нолуогу төлөөччү тус кэбиниэтинэн” эбэтэр Госөҥө порталынан.
Саамай түргэн уонна табыгастаах төлүүр ньыма? “Налоги ФЛ” босхо мобильнай сыһыарыы буолар. Ону AppStore уонна GooglePlay хачайдыахха сөп. Манна киирэн иэскитин көрөн, хайа баҕарар дойдуттан дьиэттэн эбэтэр офистан төлүөххүн син.
Нолуоккутун төлөөбөтөххүтүнэ пеня ааҕыллыа, иэскитин суут нөҥүө хамнаскытыттан эбэтэр биэнсийэҕититтэн тутуохтара. Баайгытын-дуолгутун да тутан ылыахтарын сөп. Ону тэҥэ Арассыыйа таһыгар тахсаргын бобуохтара.
Онон, кытаатан нолуоккутун төлөөҥ.
Амма сэлиэнньэтигэр биир симиэнэҕэ 200 киһини көрөр кыамталаах поликлиниканы тохсунньу бүтүүтэ арыйар былааннаахтар. Мэдиссиинэ тэрилтэтигэр…
“Дойдуну көмүскээччилэр” судаарыстыба пуондатын Саха сиринээҕи салаата байыаннай дьайыы бэтэрээннэригэр уонна кинилэр дьиэ кэргэттэригэр көмөтө…
«Саханефтегазсбыт» АУо Өлүөнэ уонна Алдан өрүстэринэн ньиэби массыынанан таһыыны саҕалаата. «2026 сыл бастакы аҥаарыгар биһиги…
Өрөспүүбүлүкэ борокуруора Сергей Дябкин сорудаҕынан Нерюнгри куорат борокуратуурата «Якутуголь» ХК АУ «Нерюнгринская» байытар фабрикатын бэлэм…
Саха сиринээҕи Быыһыыр сулууспатын Ньурбатааҕы көрдүүр-быыһыыр этэрээтин быыһааччылара, ИДьМ үлэһиттэрэ уонна олохтоохтор сүппүт дьахтары көрдөөһүнү…
Саха сирин олохтоохторо олорор сирдэринэн поликлиникаларыгар босхо диспансеризацияны бэйэлэригэр табыгастаах бириэмэҕэ, ол иһигэр субуотаҕа, ааһыахтарын…