Нолуоктан куота сатаабыт тэрилтэҕэ холуобунай дьыала тэрилиннэ

РФ Силиэстийэлиир кэмитиэтин Саха сиринээҕи силиэстийэлиир управлениетын ураты суолталаах дьыалалары чинчийэр иккис отдела Холуобунай кодекс 199 ыст. 2 «а» чааһынан (эрдэттэн киксэн, нолуок декларациятыгар сымыйа дааннайы киллэрэн, тэрилтэ улахан сууманы  нолуоктан куоттарыыта) холуобунай дьыала тэрилиннэ.

2020-2022 сылларга Дьокуускайга үлэлиир хамсаабат баай ааҕыныстыбатын үлэһиттэрэ нолуок декларациятыгар соруйан сымыйа дааннайдары киллэрбиттэрэ билиннэ. Онон судаарыстыба бүддьүөтүгэр НДС-ка, барыска уонна бас билэр баайга-дуолга нолуоктар төлөммөккө, 44 мөлүйүөн солкуобайдаах хоромньу оҥоһуллубут.

Билигин силиэстибэннэй уонна процессуальнай дьайыылар бара тураллар, тэрилтэ докумуоннарын үөрэтэллэр диэн Силиэстийэлиир управление иһитиннэрэр.

Силиэстийэлиир управление сэрэтэр: биисинэһи бытарытан, төлөнүөхтээх нолуогу кыччата сатааһын сокуоннай ньыма буолбатах уонна холуобунай эппиэтинэскэ тиэрдиэн сөп.