Хаартыска: СИА.
Бэс ыйын 19 күнүнээҕи туругунан, Дьокуускайга уонна 13 улууска 398 киһини клещ ытырбыт. Ол иһигэр Амур, Иркутскай, Новосибирскай уобаластарыттан, Хабаровскай, Приморскай, Ставропольскай, Забайкальскай, Красноярскай кыраайдартан ытыртаран кэлбит 22 түбэлтэ бэлиэтэммит.
Ханнык улуустарга ордук элбэх киһини клещ ытырбытый?
— Ленскэйгэ — 203, Алдаҥҥа — 66, Нерюнгригэ — 54, Өлүөхүмэҕэ — 26, Сунтаарга — 7, Аммаҕа — 3, Хаҥаласка — 4, Тааттаҕа — 2, Горнайга, Мэҥэ Хаҥаласка, Ньурбаҕа, Кэбээйигэ, Чурапчыга — 1, Дьокуускайга — 28.
398 ытыртарбыт киһиттэн 303-гэр клещ утары иммуноглобулиннаах серопрофилактика оҥоһуллубут, 72 киһи урут клещ энцефалитын утары вакциналаммыт эбит.
Өрөспүүбүлүкэ үрдүнэн барыта 11 092 киһи, ол иһигэр 1846 оҕо быһыыны ылбыт.
Нэһилиэнньэ элбэхтик сылдьар сирдэригэр клещтэри өлөрөр, мөлтөтөр сириэстибэнэн ыстараллар. Барыта 135,585 га сири, ол иһигэр оҕо лааҕырдарыгар 40,275 га иэннээх сири ыстарбыттар.
Бу туһунан «Роспотребнадзор» Саха сиринээҕи управлениета иһитиннэрэр.
Сайыммыт саҥа саҕаланан эрэр, ол үрдүнэн клещкэ ытыртарар киһи ахсаана элбэх эбит. Ойуурга, хонууга барарга клещтэн сэрэхтээх буолуу быраабылаларын тутуһа сылдьыҥ. Клещ энцефалит ыарыыны илдьэ сылдьар буоллаҕына, доруобуйаҕа улахан охсуулаах.
Бу нэдиэлэҕэ Саха сириттэн байыаннай дьайыы буола турар сиригэр 20 туонна таһаҕаһы тиэммит массыыналар айаннаатылар.…
Бүгүн, ахсынньы 10 күнүгэр, Ил Дархан Айсен Николаев "ОКТО" хампаанньа дириэктэрдэрин сэбиэтин бэрэссэдээтэлигэр Алексей Толоконниковка…
«Сахаада-спорт» СӨ норуоттарын успуорт төрүт көрүҥнэригэр уонна оонньууларыгар ассоциацията быйылгы лауреаттары ааттаата. Лауреаттары успуорт көрүҥнэринэн…
Байыаннай дьайыы кыттыылааҕа Петр Парников Мэҥэ Хаҥалас улууһун Хара нэһилиэгин успуорт оскуолатыгар тириэньэринэн үлэҕэ киирдэ.…
Саха Өрөспүүбүлүкэтин Бырабыыталыстыбатын 2025 сыл ахсынньы 8 күнүнээҕи 501 №-дээх уурааҕынан, Өлүөхүмэ куоратыгар «Дьиэ (мас),…
Хаҥалас улууһун Кытыл Дьураа сэлиэнньэтигэр "СӨ ОДьКХ" ГУП тэрилтэ 3,48 МВт кыамталаах хочуолунайа үлэҕэ киирдэ. Бу…