САССР норуодунай бэйиэтэ, РФ култууратын үтүөлээх үлэһитэ, САССР ускуустубатын үтүөлээх диэйэтэлэ, Саха хомсомуолун бириэмийэтин лауреата, 1957 сылтан ССРС Суруйааччыларын сойууһун чилиэнэ Иван Михайлович Гоголев-Кындыл 1930 сыллаахха тохсунньу 18 күнүгэр Бүлүү куоратыгар төрөөбүтэ.
Саха сиригэр Үлэ, Арассыыйаҕа Уһуйааччы сылларынан, Б.Ойуунускай аатынан Литература мусуойугар “Мин туспунан – ол аата Эн тускунан” диэн тэрээһин бүгүн, бэйиэт төрөөбүт күнүгэр, күнүс 14.00 чаастан ыытыллар. Тэрээһиҥҥэ норуодунай бэйиэт кыыһа Анна Ивановна Гоголева СӨ Национальнай бибилиэтэкэтин, СӨ Култуураҕа уонна духуобунай сайдыыга министиэристибэтин электроннай таһаарыыларыгар бэчээттэммит «И зацветут сады на вечной мерзлоте» кинигэтэ сүрэхтэнэр.
Кинигэ быйыл төрөөбүтэ 93 сылын туолар Иван Гоголевка уонна селекционер-учуонай, наука уонна тиэхиньикэ салаатыгар СӨ Судаарыстыбаннай бириэмийэтин лауреата Мария Алексеевна Чертковаҕа ананар.
Кинигэ сүрэхтэниитигэр Саха сирин норуодунай суруйааччыта Николай Лугинов, СӨ норуодунай бэйиэтэ Иван Мигалкин, “Полярная звезда” сурунаал эрэдээктэрэ Владислав Доллонов, Бүлүү улууһун баһылыга Сергей Винокуров, Саха тыйаатырын артыыстара, суруйааччылар, учуонайдар уо.д.а. кыттыахтара.
«Мария Алексеевна кини оҕолоро, сиэнэ үөрэхтэнэллэрин, бэйэлэрэ сөбүлүүр идэлэрин ылалларын туһугар туох баар кыһамньытын уурбута. Кинилэргэ чугас доҕор, харысхал уонна бигэ тирэх этэ. Иван Михайлович кэргэнин таҥара курдук көрөрө, олус таптыыра, киниэхэ хоһооннору, ырыалары, сонеттары анаабыта. Саха сиригэр биир саамай киэҥник биллэр ырыатынан «Сахам сирэ барахсан» буолар. Грант Григорян муусукатыгар суруллубут бу хоһооно кэргэнигэр уонна төрөөбүт Сахатын сиригэр тапталынан суруллубута. Иван Гоголев төрөөбүтэ 90 сылыгар бу ырыаны уонна бэйиэт мэтириэтин космоска илдьэ тахсыбыттара», — диэн Анна Гоголева тапталлаах төрөппүттэрин туһунан киэн тутта этэр.
Хантан кэлбитэ, ким айбыта биллибэт эрээри, Саҥа дьыл бэйэтэ туспа үгэстээх, биттээх-билгэлээх. Сорох дьон маны…
Ахсынньы 22 күнүгэр алыптаах Саҥа дьыл бырааһынньыгын көрсө, А.Е.Кулаковскай аатынан Норуоттар доҕордоһууларын дьиэтигэр «Саҥа дьыллааҕы…
Мииринэй куоракка борокуратуура 820 тыһ. солк. суумалаах арыгынан суокуоннай суохтук эргиниинэн холуобунай дьыаланы суукка ыытта.…
Анал байыаннай дьайыы кыттыылаахтара уонна кинилэргэ тэҥнээх дьон иккис орто үөрэххэ босхо үөрэнэр кыахтаахтар. Судаарыстыба…
Ааспыкка Саҥа дьылааҕы сандалы солбуллубат олохтооҕо буолбут "саҕынньахтаах селедка" салаат оннугар рулет оҥорору сэргээбиккит. Аны…
Индия, табылыннаҕына, сыл бүтүөр диэри Арассыыйа туристическай бөлөхтөрүгэр визата суох эрэсиими олохтуон сөп диэн Индия…