Хаартысканы Толбооно тиксэрдэ.
Анаабыр улууһугар долганнар түөлбэлээн олорор Үрүҥ Хайа нэһилиэгэр Табаһыттар сүлүөттэрэ (бырааһынньыктара) ыытылынна.
Табаһыттар быйылгы сүлүөттэрэ Саха сиригэр Үлэ сылынан, Анаабыр долган-эбэҥки национальнай улууһугар – Табаны иитии, “Севернай” сопхуос тэриллибитэ 40, Социалистическай Үлэ Дьоруойа И.К.Спиридонов төрөөбүтэ 110 сылларын чэрчитинэн ыытылынна. Үбүлүөйдээх сүлүөт табаһыттарга үгүс үөрүүнү бэлэхтээтэ.
Сүлүөт чэрчитинэн араас тэрээһиннэр ыытылыннылар. Ол курдук, олохтоох ааптар, СӨ Суруйааччыларын сойууһун чилиэнэ Николай Туприн-Кэһиилээх Уола 13-с кинигэтэ сүрэхтэннэ. Сүрэхтэниигэ СӨ норуодунай бэйиэтэ Иван Мигалкин уонна мин, Галина Борисова-Толбооно, сырыттыбыт. Манна сыһыаран эттэххэ, СӨ Судаарыстыбаннай мунньаҕын (Ил Түмэн) дьокутаата Елена Голомарева уонна Иван Мигалкин улуус бочуоттаах ыалдьыттарынан ыҥырыллан тиийбиттэрэ. Кинилэр бөртөлүөтүнэн Сааскылаахха тиийэ сырыттылар. Норуодунай бэйиэт манна оскуола оҕолорун кытары көрсөн, истиҥ-иһирэх көрсүһүү буолла.
Саха норуодунай бэйиэтэ Иван Мигалкин поэзиятынан уйаҕас сүрэхтэри таарыйар, кинигэлэригэр олох муудараһын кэпсиир, суоллааҕы бэлиэтээһиннэри суруйар, айар үлэҕэ холонор ыччаттардыын өрүү сэһэргэһэр идэлээх.
Ол курдук, бу да сырыытыгар үүнэр көлүөнэ модельнай бибилэтиэкэтигэр үөрэнээччилэрдиин истиҥник көрүстэ. Бастакы хоһооннорун хайдах айбытын, суруйааччы буолбутун кэпсээтэ, оҕолор ыйытыыларыгар хоруйдаата. Олохтоох суруйааччы Николай Туприҥҥа, бырааһынньыгы тэрийээччилэргэ, бибилэтиэкэ кэлэктиибигэр махталын тириэртэ, айаныттан астыммытын биллэрдэ.
Галина БОРИСОВА-ТОЛБООНО
Саҥа сыл бастакы нэдиэлэтигэр сулустар чугас дьоҥҥутугар болҕомтолоох буоларгытыгар сүбэлииллэр. Хой Саҥа сылы саҥа бырайыактарынан…
Саха сирин синоптиктара билгэлииллэринэн, бүгүн, тохсунньу 2 күнүгэр, Саха сирин үгүс улуустарыгар кыратык хаардыа, Өлүөнэ…
Ахсынньыга үөрэх үлэһиттэрин саамай улахан күөн күрэһэ — Бүтүн Арассыыйатааҕы “Сыл учуутала‑2025” күөн күрэс өрөспүүбүлүкэтээҕи…
2026 сыл зодиак бары бэлиэлэригэр уларытыыны, бэлэҕи бэлэмнээн турар. Сорохтору дьылҕаларын быһаарар көрсүһүү, үлэҕэ үрдээһин…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа Людмила Попова "Оҕо кута" кэпсээнин…
2026 сыл хайдах буолуоҕун Саха сиригэр киэҥник биллибит экстрасенс Алексей Иванович Божедонов‑Сырдык хаһыаппыт ааҕааччыларын кытары…