Хаартыска: Ил Дархан, бырабыыталыстыба пресс-сулууспата.
Нуучча географическай уопсастыбатын Саха сиринээҕи салаата педагогтарга норуодунай учуутал Николай Иванович Афанасьев аатынан Ил Дархан, бырабыыталыстыба дьаһалтатын салайааччытын бириэмийэтигэр куонкурус түмүгүн таһаарда.
50 тыһыынча солкуобайдаах бириэмийэ лауреатынан Эбээн-Бытантай улууһун Кустуур оскуолатын педагог-бибилэтиэкэрэ Светлана Семеновна Черепанова ааттанна.
Быйыл куонкуруска Дьокуускайтан уонна 14 улуустан 22 сайаапка киирбитэ. Куонкурус кыттааччылара бары кыраайы үөрэтиигэ кылааттарын иһин Нуучча географическай уопсастыбатын Саха сиринээҕи салаатын Махтал суруктарынан наҕараадаланнылар.
Н.И. Афанасьев аатынан бириэмийэ 2022 сыл сэтинньитигэр олохтоммута. Төрөөбүт кыраайдарын үөрэтэр, чинчийэр, сырдатар, патриотическай иитиинэн дьарыктанар педагогтарга туттарыллар.
Быйыл норуодунай учуутал, САССР, РСФСР үтүөлээх учуутала, сэрии бэтэрээнэ Николай Иванович Афанасьев төрөөбүтэ 100 сылын туолар. Кини 51 сыл учууталынан, ол иһигэр 46 сыл Бүлүү улууһун Бороҕон орто оскуолатын дириэктэринэн үлэлээбитэ. Кини салалтатынан оскуола бастыҥ агро-хайысхалаах оскуола буолбута. «Арассыыйа бастыҥ оскуолата» аатын үстэ ылбыта. Н.И. Афанасьев 1997 сыллаахха «Арассыыйа бастыҥ дириэктэрэ» аатын ылбыта.
Бу иннинэ бириэмийэ лауреаттарынан Нерюнгри оройуонун 1-кы №-дээх гимназиятын географияҕа учуутала Марианна Кушнир, Амма лиссиэйин биологияҕа, географияҕа учуутала Алена Быстрова буолбуттара.
Олунньу 14 күнүгэр Саха сирин Ытык кырдьаҕаһа, тыыл бэтэрээнэ Федора Николаевна Иванова 104 сааһын туолла.…
Аҕа дойдуну көмүскээччилэр күннэригэр диэри биир нэдиэлэттэн эрэ ордук кэм хаалла. Дьокуускайтан байыаннай дьайыы зонатыгар…
Өрөспүүбүлүкэҕэ суукка иһигэр 4 буруйу оҥоруу туһунан иһитиннэрии киирдэ, диэн СӨ дьуһуурунай борокуруора биллэрэр. Дьокуускай…
Уус Алдан улууһун Найахы иистэнэр уран тарбахтаах далбар хотуттара дойду көмүскэлигэр сылдьар буойуннарга анаан таҥас,…
Сыл аайы олунньу 15 күнүгэр Арассыыйаҕа Аҕа дойду тас өттүгэр ытык иэстэрин толорбут интернационалист буойуттар…
Дьокуускай куорат "Арчы" духуобунай киинин үлэһитэ, алгысчыт, ырыаһыт, мэлдьи дьоҥҥо-сэргэҕэ сырдыгынан сыдьаайа сылдьар Петр Кычкин,…