Норуот аахсыйата саҕаланна

Бүгүн, олунньу 24 күнүгэр, Дьокуускайга Улуу Кыайыы 80 сылыгар, Арассыыйаҕа Аҕа дойду көмүскээччилэрин, Саха сиригэр Ийэ дойдуну көмүскээччилэр сылларыгар анаммыт «Сила в единстве!» патриотическай норуодунай аахсыйа саҕаланна. 

— Бу аахсыйа араас саастаах, идэлээх, интэриэстээх дьону түмэр. Кэлэктииптэр истэригэр «Боевые шелкопряды Якутии» хамсааһын хора баар. Кинилэр байыастар олохторун бюыыһыыр сиэккэлэри өрөллөр. Кэнсиэртэн киирбит харчы барыта анал байыаннай дьайыы кыттыылаахтарыгар барыаҕа, — диэн «Айар кут» түмсүү салайааччыта Егор Иванов-Түмэрчин иһитиннэрдэ.

Аахсыйа чэрчитинэн, «Арассыыйа — мин устуоруйам» пааркаҕа араас маастар-кылаастар буолуохтара. Хор кэлэктиптэрин салайааччыларыгар, кыттааччыларга олус туһалаах маастар-кылаастары идэтийбит хормейстердар, педагогтар ыытыахтара, үөрэтиэхтээр, уопуттарын үллэстиэхтэрэ.

Олунньу 25 күнүгэр «Триумф» уораҕайыгар гала-кэнсиэр буолуоҕа. Бу кэнсиэр Бүтүн Арассыыйатааҕы хоровой куонкурус-бэстибээл эрэгийиэннээҕи түһүмэҕин быһыытынан буолуоҕа. Аахсыйа чэрчитинэн, Саха сирин хоровой ускуустубатыгар улахан кылааттарын киллэрбит Феврония Алексеевна Баишева Семен Гаврильевич Васильев кэриэстэригэр болҕомто ууруллуоҕа.

Кэнсиэркэ хор кэлэктииптэрэ, Опера, балет тыйаатырын солистара Александр Емельянов, Григорий Петров, Екатерина Захарова, Петр Бучугасов кыттыахтара.

Аахсыйа чэрчитинэн төрүт үнүстүрүмүөннэргэ, саха быһахтарыгар, о.д.а. оҥоһуктарга атыы быыстапката тэриллиэҕэ.