Хаартыска волонтердар ыстааптарын архыыбыттан
2022 сыллаахха балаҕан ыйын 23 күнүгэр Мииринэй улууһун дьаһалтатын уонна «Норуот актыыба» уопсастыбаннай хамсааһын өйөөһүннэринэн байыаннай сулууспалаахтарга уонна кинилэр дьиэ кэргэттэригэр көмөлөһөр «Норуот актыыба» диэн волонтердар оройуоннааҕы ыстааптара тэриллибитэ.
Онтон ыла күн бүгүнүгэр диэри көмөнү оҥоруутун тохтообокко салгыы олорорун туһунан Мииринэй оройуонун «Норуот актыыба» волонтердар ыстааптарын салайааччыта Василий Сыроватскай кэпсиир:
— Быстах ыҥырыы биллэриллэрин кытта, бастатан туран, ыстаап быстах ыҥырыынан байыаннай эпэрээссийэҕэ барааччылар таҥастарын размерын, дьиэ кэргэттэрин тустарынан информацияны хомуйбута, байыаннай сулууспаҕа ыҥырыллыбыттар бэйэлэрин дьиэ кэргэттэрин чилиэннэригэр дэбиэринэстэри суруйуу, байыаннай чаастарга байыаннайдар доруобуйаларын туругун туһунан докумуоннары ыытыы үлэтин саҕалаабыта.
Улан-Удэҕэ, Хабаровскай уонна Приморье кыраайдарыгар, Чита уобалаһыгар байыаннай үөрэҕи ааһыы кэмигэр уолаттарбыт донноруттан баһыылкалары тиксэрии тэриллибитэ, туох анал таҥас-сап, тэрил, мал наадата чуолкайдаммыта. Онон бойобуой бэлэмнэниини барар кэмнэригэр эбии тактическай байыаннай таҥас 300 кэмпилиэгин чаастарыгар илдьэн туттарыллыбыта. Байыаннай сулууспалаахтар дьиэ кэргэттэриттэн, чугас дьонноруттан киирэр сайаапкаларынан сэрии, үлэ, Сэбилэниилээх күүстэр уонна быраабы харыстыыр уорганнар бэтэрээннэрин оройуоннааҕы Сэбиэттэрин расчетнай счеттарыгар Мииринэй оройуонуттан байыаннай эпэрээссийэҕэ ыҥырыллыбыттарга көмөҕө анаан харчы хомуйуута тэриллибитэ.
Билиҥҥи туругунан волонтердар ыстааптара байыаннай эпэрээссийэ сиригэр 4 төгүл гуманитарнай таһаҕаһы тиэрдэр сыаллаах сырыыга сырытта. Байыастарга дизель-генератордары, квадрокоптердары, тепловизордары, антидроновай саалары, коллиматордары, радиостанциялары уонна да атын наадалааҕы илдьэн тиксэрбиппит. Маны сэргэ ханнык да суолтан иҥнибэт 12 автомобильнай тыраанспардарынан хааччыйыы тэриллибитэ. 2023 сылга ыстаап оройуонтан хантараагынан байыаннай сулууспаҕа барааччылары эбии обмундированиенан хааччыйбыта.
Ыстаап ааспыт күһүнтэн, балаҕан ыйыттан ыла байыаннай сулууспалаахтар дьиэ кэргэттэриттэн киирбит 150-тан тахса сайаапканан юридическай өттүнэн, араас сүбэлэринэн, олох-дьаһах, олорор дьиэ-уот боппуруостарынан, оҕо саадыттан атыҥҥа көһөрүүгэ уо.д.а. көмөлөрү оҥордо.
Бу үлэ элбэх дьон сыратын, көмөтүн, өйөбүлүн түмэр. Хас биирдии көмө чопчу дьон кыттыытынан оҥоһуллар: уолаттарбытыгар сылаас наскы, үтүлүк баайар эбэлэр, аҕабыыт Владимир уонна кини православнай итэҕэллээх дьоно, оҕо саадын уонна «Харысхал” чөлгө түһэрэр киин үлэһиттэрэ, оройуон волонтердарын ыстааба, норуот актыыба, биирдиилээн дьон… Кинилэри барыларын байыаннай эпэрээссийэҕэ сылдьар буойуттарбытыгар тирэх буолар, дьиэ кэргэттэрин олоҕор көмөлөһөр баҕа санаа түмэр, сомоҕолуур. Кинилэргэ бука барыларыгар ис сүрэхтэн көмөлөрүн, өйөбүллэрин иһин махталбын тиэрдэбин.
Хаартыскалар волонтердар ыстааптарын архыыбыттан
От ыйын 8 күнүгэр Дьокуускай уонна Ленскэй архиепискоба Роман Дьокуускайдааҕы епархия тылбаас отделын үлэтин мунньаҕын…
От ыйын 9 күнүгэр киэһэ хойут Саха сирин быыһааччылара тыаҕa муммут 85 саастаах киһини көрдүү…
Хаҥалас улууһун борокуратууратын бэрэбиэркэтин түмүгэр, улуус дьаһалтата бэдэрээччиккэ успуорт былаһааккатын тутууга аспаал-бетон бүрүөһүнүн тэлгээһин уонна…
От ыйын 9 күнүгэр Дьокуускай куорат сиригэр-уотугар 9 суол саахала бэлиэтэннэ, онтон бииригэр биир киһи…
Саха сиригэр сир аһын маассабайдык хомуйуу болдьоҕо бигэргэннэ. Ол курдук, от ыйын 10 күнүттэн хас…
Сэрэдэҕэ, от ыйын 9 күнүгэр, Саха сиригэр 5 буруйу оҥоруу тахсыбыта бэлиэтэммит. Бу туһунан СӨ…