Хаартыска Ил Түмэн пресс-сулууспатыттан
Байыаннай дьайыыларга кытта сылдьан эт-хаан эчэйиитин ылан, госпиталларга эмтэнэн баран, байыаннай сулууспалаахтар дойдуларыгар сынньана уоппускаҕа кэлитэлээн эрэллэр. Кинилэри аэропорка төрөппүттэрэ, кэргэттэрэ, оҕолоро, аймахтара көрсөллөр.
Бу күннэргэ норуот дьокутааттара Вячеслав Макаров уонна Николай Кульбертинов байыаннай дьайыылар кыттыылаахтарын порка көрүстүлэр. Үгэс курдук, Ил Дархан Айсен Николаев аатыттан эр санааларын уонна хорсун быһыыларын билинии бэлиэтин, уолаттарга саха быһаҕын туттардылар. Ол туһунан Ил Түмэн пресс-сулууспата иһитиннэрэр.
Вячеслав Макаров байыаннай дьайыыларга Дьокуускай куораттан ыҥырыллыбыт, дойдутугар бааһыран кэлбит байыаһы көрүстэ. Кини байыаска быһах туттарда уонна туруга тупсарыгар, түргэнник үтүөрэригэр, доруобуйата этэҥҥэ чөлүгэр түһэригэр баҕа санаатын эттэ.
Николай Кульбертинов Саха сириттэн байыаннай дьайыылар кыттыылаахтарын бөлөҕүн — Өлүөхүмэ, Нам, Бүлүү оройуоннарыттан төрүттээх байыаннай сулууспалаахтары көрүстэ.
«Ыам ыйын 9 күнүн – фашистары Аҕа дойду Улуу сэриитигэр Кыайыы күнүн иннинэ байыаннай эпэрээссийэ кытыылаахтарын, биһиги буойуттарбытын көрсөбүт. Уолаттарбыт этэҥҥэ тыыннаах кэлбиттэриттэн олус үөрэбин. Байыастар билигин чугас дьоннорун кытары көрсөн, кэпсэтэн, дьиэ-уот сылааһын билэн, күүс-уох эбиниэхтэрин, доруобуйаларын тупсарыахтарын наада. Кинилэр ытык иэстэрин төлөөбүт, биһиги көмүскээччилэрбит буолаллар», — диэн эттэ Николай Кульбертинов Дьокуускай аэропордугар көрсүһүү кэмигэр.
Лабыктаны аска-үөлгэ кутан сиир, оргуйбут итии ууга көйөрөн иһэр туһалаах дииллэр... Тумуу, кириип, сөтөл ыарыыта…
Василий Галузаны баһылыгынан талыы олохтоохтор байыаннай дьайыы кыттыылаахтарын өйүүллэрин туоһулуур. Кинилэр бүгүн лидердар, салайааччылар. …
"ОДьКХ" ГУП 23 тыһыынча дьиэҕэ ититиини киллэрбит. Маны таһынан тыһыынчаттан тахса социальнай эбийиэктэр, олор истэригэр оскуолалар,…
Силиэстийэлиир кэмитиэт Халыматааҕы оройуоннар икки ардыларынааҕы силиэстийэлиир отдела РФ Холуобунай кодексын 30 ыст. 3 ч. …
Бүгүн Үөһээ Бүлүү улууһун Үөдүгэй сэл. биир умнуллубат, бэлиэ күн буолан ааста. Ол курдук Механизаторскай…
Ааспыт сыл муус устар ыйыгар өрөспүүбүлүкэ олохтооҕо дьахтар "Хатас" ТХПК туһаайыытынан икки сир уһаайбатын атыыласпыт.…