Василий Кононов хаартыската (Ил Түмэн)
Кулун тутар 6 күнүгэр Ил Түмэн норуот дьокутааттара Дьокуускай куорат Киин уокуругуттан ыҥырыллыбыт мобилизованнай байыаннай сулууспалаахтарын дьиэ кэргэттэрин кытары көрүстүлэр. Көрсүһүү «төгүрүк остуол» быһыытынан барда.
Көрсүһүүнү Ил Түмэн Судаарыстыбаннай Мунньах Дьиэ кэргэн уонна оҕо дьыалаларыгар сис кэмитиэтин бэрэссэдээтэлэ Алена Атласова сүрүннээн ыытта. Кини эппитинэн, бу көрсүһүү муус устарга былааннанар «Байыаннай дьайыылар кыттыылаахтарын дьиэ кэргэттэрин өйүүр дьаһаллар туһунан» «төгүрүк остуолу» ыытарга төһүү буолуо.
Көрсүһүү кэмигэр үлэ уонна социальнай сайдыы миниистирэ Елена Волкова, үөрэх уонна наука миниистирэ Ирина Любимова, доруобуйа харыстабылын миниистирин бастакы солбуйааччы Дмитрий Сергин, Дьокуускай куорат Үөрэҕин управлениетын дьаһалтатын иитиигэ уонна эбии үөрэхтээһиҥҥэ отделын начаалынньыга Анна Иванова, бэпэчиитэллэр сэбиэттэрин салайааччыта Татьяна Егорова, Дьокуускай куоратттааҕы дуума дьокутаата Николай Васильев, о.д.а. мобилизацияҕа ыҥырыллыбыт байыаннай сулууспалаахтар чугас дьоннорун ыйытыыларыгар эппиэттээтилэр.
Быстах дьайыылар кыттыылаахтарын чугас дьонноро байыаннай сулууспалаах дьарҕа ыарыытын ханна эмтэтэри, тыа сиригэр регистрациялаах байыаннай сулууспалаах куоракка көмө харчытын хайдах ыларын, психологическай көмө наадатын, о.д.а. ыйыталастылар.
Ил Түмэн ыччат, физическэй култуура уонна успуорт дьыалаларыгар сис кэмитиэт ыстаарсай референэ Светлана Диодорова-Лаврентьева оскуолаларга байыаннай дьайыылар кыттыылаахтарын оҕолоругар психологтар уонна учууталлар үлэлэрэ улахан суолталааҕын бэлиэтээтэ уонна сүрүн судаарыстыбаннай уонна биир кэлим суударыстыбаннай эксээмэннэргэ биирдиилээн бэлэмниир сүбэ наадатын эттэ. Кини итини таһынан, мобилизацияламмыт байыастар статустарын үрдэтэр сыалтан оскуолаларга кылаас чаастарын ыытарга сүбэлээтэ.
Норуот дьокутаата Татьяна Егорова атын даҕаны кыһалҕалаах, долгутар боппуруостарын, төгүрүк остуол буолуон иннинэ, Дьокуускай куорат Киин уокуругун бэпэчиитэллэрин сэбиэтигэр киллэрэллэригэр эттэ.
Ил Түмэн пресс-сулууспата.
Бырагыраама уопсастыбаннай сэбиэтин чилиэнэ, "Сахатранснефтегаз" АУо генеральнай дириэктэрэ Алексей Колодезников "Саха сирэ -- дьоруойдар дойдулара"…
АЛРОСА Экологияҕа киинэ “Живые алмазы Якутии” паарканы тупсаран оҥорон эрэгийиэннээҕи бырайыактар граннарын куонкуруһа саҕаламмытын иһитиннэрэр.…
Саха сиригэр пилота суох, тепловизордаах 35 аппараат көмөтүнэн ойууру кэтээн көрүүнү күүһүрдэллэр. Саха сиригэр ойууру кэтээн көрөргө…
Арҕааҥҥылар Украинаҕа быһаччы көмөлөһөр эбит буоллахтарына, биһиэхэ да син илии уунар ыаллыы дойдулаахпыт.
Ааспыт сууккаҕа Саха сиригэр түөрт буруйу оҥоруу тахсыбыта бэлиэтэммит. Бу туһунан СӨ Борокуратууратын пресс-сулууспата суруйар.…
Дьокуускайга 1 №-дээх полиция отделыгар икки киһи бэлисипиэттэрин уордарбыттарын туһунан сайабылыанньа суруйбуттар. Холуобунай ирдэбил үлэһиттэрэ…