Норуот дьокутааттара биэс улууска мөрөбүөй судьуйалары бигэргэттилэр

Ил Түмэн 11-с уочараттаах пленарнай мунньаҕар биэс улууска мөрөбүөй судьуйалар кандидатураларын бигэргэттилэр.

Анаабыр, Дьааҥы, Ньурба, Мииринэй уонна Хаҥалас улуустарыгар мөрөбүөй судьуйалар талылыннылар. Хандьыдааттар тустарынан иһитиннэриини Ил Түмэн бэрэссэдээтэлин солбуйааччы – Судаарыстыбаннай тутулга уонна сокуону оҥорууга сис кэмитиэтин бэрэссэдээтэлэ Афанасий Владимиров оҥордо.

Кистэлэҥ куоластааһын түмүгүнэн Анаабыр улууһун 6-с №-дээх суут учаастагар хааччаҕа суох болдьоххо Ксенофонтова Парасковья Алеваровна, 10-с №-дээх Дьааҥытааҕы суут учаастагар үс сылга боломуочуйаҕа Илларионова Наталья Ивановна, 23-с №-дээх Ньурбатааҕы суут учаастагар хааччаҕа суох болдьоххо Ефремова Мария Яковлевна, 50-с №-дээх Мииринэйдээҕи суут учаастагар үс сылга болдьохтоон Угарова Валерия Юрьевна, 58-с №-дээх Хаҥаластааҕы суут учаастагар
хааччаҕа суох болдьоххо Явловский Владимир Романович талылыннылар.