Норуот дьокутааттара Ил Дархан Анал этиитэ сайдыыга тирэх уурар күүһүн бэлиэтээтилэр

СӨ Ил Дархана Айсен Николаев Ил Түмэҥҥэ Анал этиитин тула норуот дьокутааттара Юрий Николаев уонна Александр Атласов «Тэтим.Саха араадьыйатыгар» уонна «Саха» НКИХ ханаалыгар биир чаастаах быһа эпиирдэрэ буолла.

Норуот дьокутааттара бу Анал этии сайдыыга тирэх уурар күүһүн, итиэннэ Саха сирин нэһилиэнньэтин олоҕун уйгутун тупсарыыга дьоһун суолтатын бэлиэтээтилэр.

Анал этии сүрүн тосхоллорун ырытыыга устуудьуйа ыалдьыттара өрөспүүбүлүкэҕэ ыытыллар үлэ социальнай мөссүөннээҕин, инники күөҥҥэ олох хаачыстыбатын үрдэтии буоларын ыйдылар. Саха сирэ сайдыыга балысхан хардыытыгар дойду бэрэсидьиэнэ Владимир Путин уонна киин былаас өйөбүлэ тирэх буоларын ыйдылар. Национальнай бырайыактартан саҕалаан инвестицияҕа тиийэ сүрүн бырайыактар өрөспүүбүлүкэ хас биирдии олохтооҕун туһатыгар ыытылларын бэлиэтээтилэр.