Хаартыска: Ил Түмэн пресс-сулууспата
Бүгүн, алтынньы 22 күнүгэр, Саха Өрөспүүбүлүкэтин Судаарыстыбаннай Мунньаҕын (Ил Түмэнин) күһүҥҥү бастакы уон төрдүс ыҥырыылаах пленарнай мунньаҕар бэбиэскэнэн бастакы боппуруоһунан Төрүт сокуоҥҥа уларытыылары уонна көннөрүүлэрии киллэрии туһунан сокуон барыла бастакы, иккис уонна үһүс бүтэһиктээх ааҕыыга ылылынна.
Мунньахха Ил Дархан Айсен Николаев, СӨ Бырабыыталыстыбатын бэрэссэдээтэлэ Кирилл Бычков, СӨ Үрдүкү суутун бэрэссэдээтэлэ Любовь Летучих, СӨ борокуруорун э.т., юстиция старшай сүбэһитэ Сергей Губин, ыҥырыылаах ыалдьыттар уонна министиэристибэлэр бэрэстэбиитэллэрэ кытталлар.
Докумуонунан киирэр уларыйыылары уонна көннөрүүлэри СӨ Ил Дарханын уонна бырабыыталыстыбатын дьаһалтатын салайааччы Георгий Михайлов билиһиннэрдэ. Ол курдук, ылыныллыбыт сокуон барылынан ким баҕарар үөрэнэр уонна үөрэх ханнык баҕарар көрүҥүн талар бырааптаах. Үөрэх судаарыстыбаннай уонна муниципальнай тэрилтэлэригэр уонна предприятиеларга оскуола иннинээҕи, сурүн уопсай уонна идэлиир орто үөрэҕи ким барыта босхо ылар кыаҕа мэктиэлэнэр. Хас биирдии киһи үөрэх судаарыстыбаннай уонна муниципальнай тэрилтэтигэр уонна предприятиеҕа куонкурус төрүтүгэр олоҕуран, үрдүк үөрэҕи босхо ылар бырааптаах. Сүрүн уопсай үөрэх булгуччулаах. Төрөппүттэр эбэтэр кинилэри солбуйар дьон оҕо сүрүн уопсай үөрэҕи ылар быраабын хааччыйаллар. Иккиһинэн, Саха Өрөспүүбүлүкэтин күндү металларын уонна күндү таастарын судаарыстыбаннай пуондатын сыаннастарын бигэтик харайыыны, ону тэҥэ Саха Өрөспүүбүлүкэтин күндү металларын уонна күндү таастарын судаарыстыбаннай пуондатын торумнааһыны уонна туһаныыны хааччыйар, пуондаттан күндү металлары уонна күндү таастары ис уонна тас ырыынактарга батарар туһунан быһаарыыны ылар буолар. Маны сэргэ, дьон-сэргэ санаатын, омук быһыытынан төрүт уратыларын болҕомтоҕо ылан нэһилиэнньэ олоҕун-дьаһаҕын быһаччы хааччыйыы боппуруостарын бэйэ кыаҕынан быһаарарга сокуонунан көрүллүбүт боломуочуйаларын чэрчитинэн норуот былааһын толорор сыаллаах гражданнар бэйэлэрин салайыныыларын көрүҥэ — олохтоох салайыныы Саха Өрөспүүбүлүкэтигэр билиниллэр уонна мэктиэлэнэр. Гражданнар олохтоох салайыныыны санааны быһаччы биллэрии көрүҥнэрин көмөтүнэн, ону тэҥэ олохтоох салайыныы уорганнарын көмөтүнэн олохтууллар.
Салгыы ОДьКХ билиҥҥи балаһыанньатын дьүүллэһиигэ норуот дьокутааттара кыттыылаах бырабыыталыстыба чааһа ыытыллар.
Саха киһитигэр былыр-былыргыттан муҥхаҕа сылдьыы бэйэтэ бырааһынньык. Таастаах олохтоохторо ааспыт өрөбүлгэ Чаакыйа күөлгэ муус аннынан…
Ил Түмэн спикерэ Алексей Еремеев: -Бүгүн Төрүт Сокуоҥҥа саамай наадалаах кэмҥэ биһиги кэскилбит түстүүр уларытыылар…
Мииринэйгэ байыаннай дьайыы бэтэрээннэрэ "Ийэлэр, аҕалар - маладьыастар!" диэн билиини-көрүүнү тургутар дьиэ кэргэн викторинатыгар кыттан…
Саха Өрөспүүбүлүкэтин Судаарыстыбаннай Мунньаҕын (Ил Түмэн) 14-с уочараттаах мунньаҕар “О внесении изменений и дополнений в…
Алтынньы 21 күнүгэр 17:35 чугаһыгар РФ ИДьМ Алдан улууһунааҕы отделениетын дьуһуурунай чааһыгар ВЛКСМ 50 сыла…
Сороҕор туустаах оҕурсуну сиэххин баҕаран кэлэҕин дии. Дьиҥэр, түргэнник оҥоһуллар ньыма баар. Бу ырысыапка уксуус…