Хаартыска: ЯСИА
Олунньу 25 күнүгэр Ил Түмэн XVII пленарнай мунньаҕа ыытыллыаҕа. Норуот дьокутааттара КПРФ баартыйаттан Вячеслав Степанов боломуочуйатын бигэргэтии туһунан боппуруоһу көрүөхтэрэ.
17-с мунньахха ИДьМ миниистирэ Владимир Прокопенко ИДьМ уорганнарын 2025 сыллааҕы үлэтин туһунан отчуота истиллиэҕэ. Бу иннинэ отчуот судаарыстыбаннай тутулга уонна сокуон оҥоруутугар сис кэмитиэт кэҥэтиллибит мунньаҕар көрүллүбүтэ. Дьокутааттар үлэни күүһүрдэргэ сүрүн хайысхалары бэлиэтээбиттэрэ, ол иһигэр сокуоннай сааһын туола илик оҕолор ортолоругар быраабы кэһиини сэрэтиигэ, суол-иис хамсааһынын куттала суох буолуутун хааччыйыыга уонна миграция хонтуруолун тупсарыыга.
«Бырабыыталыстыба чааһын» чэрчитинэн тыа хаһаайыстыбатын оҥорон таһаарааччыларыгар улахан суолталаах боппуруоһу — 2026 сылга судаарыстыбаннай бырагырааманы үбүлээһини дьүүллэһиэхтэрэ. «Саха Өрөспүүбүлүкэтин «Тыа хаһаайыстыбатын сайыннарыы уонна тыа хаһаайыстыбатын бородууксуйатын уонна аһы-үөлү оҥоруу ырыынагын салайыы» судаарыстыбаннай бырагырааматын 2026 сылга үбүлээһиҥҥэ бастакы уочараттааҕы дьаһаллар тустарынан» сүрүн дакылааты Тыа хаһаайыстыбатын уонна ас-үөл бэлиитикэтин миниистирэ Артем Александров оҥоруоҕа.
Дьокутааттар хас да суолталаах боппуруоһу көрүөхтэрэ: тулаайах уонна төрөппүт көрүүтэ-истиитэ суох хаалбыт оҕолору олорор дьиэнэн хааччыйыы, сир баайын туһунан, Хачыкаат сэлиэнньэтин сиригэр-уотугар арыгыны атыылааһыны букатыннаахтык бобуу туһунан, о.д.а..
2025 сыл ахсынньытыгар үлэлээбэт аҕам саастаахтар биэнсийэлэрин орто кээмэйэ 23 996 солкуобайга тэҥнэстэ, бу сыл…
СӨ Ил Дархана Айсен Николаев үүтү туттарыыга былааны аһары толоруу иһин харчыны оройуоннарга тиэрдэргэ сорудахтаата.…
Байыаннай дьайыыттан эргиллэр буойуннар эйэлээх олоххо сөптөөх миэстэни ылыахтаахтар. Бу бэлиитикэ биир холобурунан Арассыыйа Дьоруойа…
Арассыыйа ИДьМ (МВД) «Дьокуускайдааҕы» МУ полициятын 3-с нүөмэрдээх салаатын дьуһуурунай чааһыгар таҥас маҕаһыыныттан уопсайа 26…
Сирэйгэ, илиигэ мэҥ курдук бээтинэлэр сааһырбыт эрэ дьоҥҥо тахсар курдук үгүстэр өйдүүллэр. Күн уота аһары…
Ленскэй оройуонугар полиция холуобунай ирдэбилин үлэһиттэрэ суһал иһитиннэриини бэрэбиэркэлии сылдьан, 39 саастаах олохтоохтон регистрацияламматах «Тигр»…