Норуот эмчитэ Михаил Чашкиҥҥа саха балаҕанын туттулар

Таатта улууһун Уолба нэһилиэгэр ытык киһи, норуот эмчитэ, Михаил Фомич Чашкиҥҥа анаан саха балаҕанын туттулар.

Бу туһунан норуот эмчитин кэргэнэ Альбина Саввична санаатын үллэһиннэ:

— Алтынньы ортото «Байаҕантай» тутуу тэрилтэтэ аҕабытыгар сайыҥҥы балаҕан тутан дьэндэттилэр. Манна бэйэбит олохтоох уолаттарбыт көмөлөһөн кыстыкка киириигэ балаҕаммыт ситтэ. Балаҕаны тутууга үлэээбит, кыттыбыт эр дьоммутугар «Баай Ас» тэрилтэ салайааччыта С.Н.Андросовка, «Монтажник» тэрилтэ А.М.Ханиҥҥа, ону сэргэ улууспут чааһынай тэрилтэлэригэр, атын улуустан көмөлөспүт доҕотторбутугар махталбытын биллэрэбит. Бүгүн балаҕаммыт таһын нэһилиэкпит олохтоохторо ыраастаан көмлөстүлэр. Онон үөрүүбүт муҥура суох. Түгэнинэн туһанан биир дойдулаахтарбытыгар, бары бар дьоммутугар махтанабыт.