Норуот эмтиэкэтэ

Хатыҥ мүөттээх сэбирдэҕин чэйгэр кутан иһэ сырыттаххына, бүөргэр-быаргар туһалаах.

• Салаакка мэлдьи моркуоп, сүбүөкүлэ, оҕурсу, укуруоп хаппыт отторун мас арыылаан тутун. Барытыгар туһалаах.
• Сөтөлгө 1 өлүүскэ чесногу ныһыйан, кэмбиэрдии суулаан горчичникта оҥоһун. Уурар сиргин бастаан ханнык баҕарар кириэминэн сотун. Биэстээх оҕоҕо — 2-3 мүнүүтэ тутуохха сөп, улахан киһи 15 мүнүүтэ уурунуон сөп. Наар биир сиргэ ууруллубат.
• Баттаҕыҥ наһаа түһэр буоллаҕына, 1 сымыыт саһархайыгар 1 остолобуой ньуоска мас арыытын, мүөтү, 1 орто эриэппэ луугу теркалаан, булкуйан, суунуоҥ иннинэ төбөҕүн сотун.

Саха ыалын халандаара,

«Айар» кинигэ кыһата, 2015 с.