Хаартыскаҕа Акулина Николаева түһэриитэ.
Норуот кэҕүлээһинин өйүүр бырагыраама (ППМИ) тыа сирин сайыннарыыга эбии үбүлээһини куонкуруһунан ылыыга биир көдьүүстээх мэхэньиисиминэн буолар. Бу — тыа сирин олохтоохторо, олохтоох салайыныы уонна эрэгийиэн былаастара бииргэ үлэлээһиннэрин чаҕылхай көстүүтүн биир бастыҥ холобура.
2024 сылллаахха, бэс ыйын 18 күнүгэр, Бүлүү улууһун Чинэкэтигэр биир үөрүүлээх күн буолбута. Нэһилиэнньэ өр кэтэспит МТЗ-82.1Т диэн тыраактара кэлбитэ. Погрузчик оруолун толорор кыахтаах, анал баһардаах. Уопсай суумата 2 мөл. 558 тыһ солк. Нэһилиэк бүддьүөтүттэн 300 000 солк., нэһилиэнньэттэн 258 000 солк., өрөспүүбүлүкэбит бүддьүөтүттэн 2 мөл. солк көрүллүбүтэ. «Кыайыы төрдө – сомоҕолоһууга» диэн мээнэҕэ этиллибэтэх эбит. Маннык тустаах бырагыраамаларга сөпкө тайанан бары биир санаанан түмсэрбит көдьүүһэ улахан. Түгэнинэн туһанан, туох баар саҕалааһыннарбытыгар, бачыымнарбытын өйүүр-өйдүүр биир дойдулаахтарбар барҕа махталбытын тиэрдэбит.
Кэлэр 2026 сылга сынньалаҥ кулуубугар led-экраны ылаары, куонкуруска аналлаах тустаах бырайыагы бэлэмнээтибит. Олохтоохтор өйүүллэрин биллэрдилэр. Онон барыта сатаныа диэн эрэнэбит.
Чинэкэттэн Акулина Николаева.
Бүгүн, олунньу 13 күнүгэр, Дьокуускай куоракка «Патриот» ыччат киинигэр оҕону, ыччаты патриотическай иитиигэ улахан суолталаах…
Саха сирин психологтара байыаннай дьайыы кыттыылаахтарын ийэлэрин өйүүргэ туһуламмыт «Искусство терапията» диэн саҥа бырайыагы саҕалаатылар.…
Полиция Дьокуускай куорат тылы сайыннарар оскуолатыттан сыаналаах кинигэни уорууга уорбаланар киһини быһаарбыт. ИДьМ Дьокуускайдааҕы 4-с…
2026 сыл кулун тутар 1 күнүттэн уопсастыбаннай сирдэргэ вывескалар уонна ыйар бэлиэлэр аҥардас нууччалыы тылынан…
Офтальмологтар мобильнай биригээдэлэрэ Дьааҥы улууһугар катарактаны суох оҥорорго 30-ча эпэрээссийэни оҥоруохтара. Дьааҥы Оройуоннааҕы киин балыыһатыгар…
“Арктика синергията” телекоммуникационнай инфраструктураны сайыннарыы бөдөҥ бырайыагын көмөтүнэн быйыл Кэбээйи улууһун ыраах сытар Сиэгэн Күөл…