Норуот маастара Людмила Саввинова тус быыстапката аһылынна

Саха сиригэр үрдүк үөрэхтээһин 90 сылынан уонна аҕам саастаах дьон дэкээдэлэригэр анаан 90 сааһын ахсынньы ыйга туолуохтаах норуот маастара, Намсыыр даачатын биир көхтөөх бэтэрээнэ Людмила Егоровна Саввинова тус быыстапкатын үөрүүлээх аһыллыыта буолла.

Людмила Егоровна оҥоһуктарыгар аналлаах тэрээһин алтынньы 13 күнүгэр диэри Дьокуускайга «Симэх» галереятын дьиэтигэр буолуоҕа. Людмила Егоровна сахалыы көстүүмнэри, чаппараах көбүөрүн таһынан оҕуруот астарын, сибэккилэри хатаран тугу оҥорботоҕой диэбит курдук. Тарбаҕар талааннаах маастар дьахтар киэргэллэрин арааһыттан оҥорор ураты дьарыктаах.

Людмила Егоровна дэкээдэ кэмигэр маастар-кылааһы биэриэҕэ. Быыстапка аһыллыытыгар университекка үлэлээбит, даачаҕа олорор бэтэрээннэр, сиэннэрэ, чугас аймахтара, Култуура уонна искусство Арктикатааҕы институтун устудьуоннара истиҥник эҕэрдэлээтилэр.

Марта Николаева.