Хаартыска -- Андрей Сорокмн (СИА)
Саха сиригэр бэлиэтэнэр Норуот маастарын күнүн чэрчитинэн Ил Дархан Айсен Николаев араас улуустартан кэлбит норуот маастардарын кытта көрүстэ.
— Саха сирин илиилэригэр талааннаах маастардара норуоппут үйэлэри уҥуордаан илдьэ кэлбит үгэстэрин харыстыы сылдьан сайыннарар дьоммутунан буолаҕыт. Ол курдук, маһынан, тааһынан, тимиринэн, туойунан, муоһунан, тириинэн, сылгы сиэлинэн, түүлээҕинэн, уо.д.а. араас матырыйаалынан уус-уран оҥоһуктары оҥорон таһаараҕыт. Кэрэхсэбиллээҕэ баар, ааттаах-суоллаах норуот маастардарын ортолоругар эдэр дьон бааллар, — диэн көрсүһүү кэмигэр Айсен Николаев бэлиэтээтэ. Норуот уус-уран оҥоһуктара аан дойдуга тиийэ биллэр Саха сирин брендинэн буолалларын эттэ.
«Симэх» Национальнай киин дириэктэрэ Яна Игнатьева норуот уус-уран оҥоһугунан дьарыктанар маастарын ахсаана биэс тыһыынчаҕа тиийэн эрэрин эттэ.
— “Норуот маастара” аакка түһэриллэр тарбаҕар талааннаах уус уонна иистэнньэҥ ахсаана элбии турар. Ол курдук, бүгүҥҥү күҥҥэ “СӨ норуот маастара” бочуоттаах аатын 275 киһи сүгэр. 600 киһи бэйэлэрин улуустарыгар ааттаах-суоллаах маастардар. 112 маастар бэйэлэрэ тэрийбит түмсүүлээхтэр. 1992 сыллаахха бастаан саҕалыырбытыгар 20 — норуот маастардаах этибит. 30 сыл устата норуот култууратын уонна ускуустубатын сайыннарыыга улахан үлэ барда, — диэн санаатын үллэһиннэ уопсастыбаннай диэйэтэл Яна Игнатьева.
Ил Дарханы кытта көрсүһүүгэ норуот маастардара бэйэлэрин үлэлэрин уопутун атастастылар, кэскиллээх былааннарын сырдаттылар. Айсен Николаев норуот маастардара киллэрбит этиилэрин өйөөтө – Саха сирин сэттэ норуот маастарыгар олоҥхоһуттарга, оһуохайдьыттарга, тимир уустарыгар курдук анал истипиэндьийэ олохтонуоҕа. Маны таһынан, Ил Дарханы кытта көрсүһүү кыттыылаахтара 2033 сылга диэри Саха Өрөспүүбүлүкэтигэр норуот оҥоһуктарыгар судаарыстыбаннай өйөбүл оҥоһулларыгар туһаайыллыбыт тосхол торумнанарын туһунан быһаарыы ылыннылар. Бу докумуоҥҥа кэлим судаарыстыбаннай өйөбүл, каадырдары бэлэмнээһин, бородууксуйаны батарыы курдук сүрүн хайысхалар киириэхтэрэ.
Лада дьиэтигэр киэһэ 9 чаас саҕана түгэх хоһугар көмпүүтэргэ үлэлии олорон, эмискэ ойон туран түннүк…
Уһун өттүктээх, халыҥ бууттаах, кылгас бэрбээкэйдээх, модьу-таҕа атахтаах, убаҕас сиэллээх, хомпоҕор кэҥэриилээх, киэҥ таныылаах, уһун…
Сэтинньи 2 күнүгэр СӨ Оһуокай түмсүүтүн ыҥырыытынан ытык дьоммут, Арассыыйаҕа туризмы тэрийиигэ хонноохтоохтук ылсан үлэлии…
Таатта улууһун Харбалаах сэлиэнньэтин олохтоох бибилэтиэкэтин дьиэтигэр аҕам саастаах дьон - урукку хомсомуоллар Харбалаахтааҕы үөрэхтээһин…
Сунтаар улууһун дьаһалтатын, тыа хаһаайыстыбатын, үөрэҕирии, култуура о.д.а. управлениелар үлэһиттэрэ салайааччы Анатолий Григорьев тула түмсэн,…
Алексей Кулаковскай-Өксөкүлээх Өлөксөй саха сайдыытын түстээбит “Саха интеллигенциятыгар суруга” бүгүҥҥү күҥҥэ диэри ким өҥөтүнэн тиийэн…