https://www.sakha.gov.ru/
VII Норуот маастардарын пуорумугар Саха сириттэн, Казахстантан, Москваттан, Бурятияттан, Алтаайтан, Хабаровскай, Камчатскай кыраайдартан 150-ча кыттааччы кэлэн, кыһалҕаларын, сайдар суолларын ырытыһыахтара, уопуттарын үллэстиэхтэрэ.
Пуорум кыттыылаахтарын бырабыыталыстыба бэрэссэдээтэлин солбуйааччы Сергей Местников эҕэрдэлээтэ. Норуот уус-уран оҥоһуктарын сайыннарыыга судаарыстыбаннай бэлиитикэ ыытылларын туһунан эттэ.
“Симэх” национальнай киин уопсастыбаннай бырайыактары тэрийэр. Маастардар таһымнарын үрдэтэргэ тиһиктээх үлэни ыытар.
Дьокуускайдааҕы художественнай училище, Намнааҕы педагогическай колледж, Дьокуускайдааҕы ускуустуба, дизайна колледжа бу эйгэҕэ ирдэнэр исписэлиистэри бэлэмнээн таһаараллар.
Айсен Николаев ыйааҕынан, Таатта улууһугар Баайаҕаҕа уустары, маастардары түмэр “Мандар Уус” этнографическай комплекс тутуллубута. Сыллата маастардарга Ил Дархан граннарын туттараллар.
Уһук Илиҥҥэ саамай улахан “Үлэ кыбартаала” креативнай кластер аһыллыбыта, манна маастардар сайдалларыгар үчүгэй усулуобуйа тэриллибитэ.
Саха сиригэр 6 тыһыынчаттан тахса маастар, 97 урбаанньыт, 112 түмсүү баар. 275 киһи “СӨ норуот маастара” үрдүк ааты, 606 киһи “СӨ норуот уус-уран оҥоһуктарын маастара” ааты сүгэллэр.
Ил Дархан, бырабыыталыстыба дьаһалтатын пресс-сулууспата.
Бу ураты каарта оҕолорго төрөөбүт дойдуларын дириҥник өйдүүргэ уонна умнуллубат өйдөбүллэри бэлэхтиэҕэ. Манна Саха сирин…
Соторутааҕыта Ыксаллаах быһыы-майгы министиэристибэтин 35 сылыгар аналлаах тэрээһин Уһук Илин бастыҥ баһаарынайдарын түмтэ. Бу туһунан…
От ыйын 3 күнүттэн 5 күнүгэр диэри Нерюнгрига өрөспүүбүлүкэтээҕи Олоҥхо ыһыаҕа ыытылларынан сибээстээн, арыгыны атыылааһыҥҥа…
От ыйын 4-8 күннэригэр Дьокуускайдааҕы VIII норуоттар икки ардыларынааҕы киинэ бэстибээлэ ыытыллыаҕа. Быйылгы бэстибээл сүрүн…
Бүгүн Мииринэй оройуонугар баар «Саха сирин тыыннаах алмаастара» пааркаҕа («Живые алмазы Якутии») пааркаттан үөрүүлээх сонун…
Өлүөхүмэҕэ саҥа оҕо поликлиникатын үөрүүлээхтик астылар. Урут поликлиника 1980-с сыллардааҕы дьиэҕэ баар эбит. Билигин тэрилтэҕэ…