Хаартыска: ааптар тиксэриитэ
Араас таһымнаах бүддьүөт суотугар норуот маастардарыгар уонна уус-уран оҥоһуктарын оҥорон таһаарар тэрилтэлэргэ көмө оҥоһуллуоҕа.
Маннык федеральнай сокуон бу сыл бэс ыйын 10 күнүттэн үлэлээтэ. Чуолаан үп-харчы өттүнэн, информация биэрии, консультация ыытыы уонна тэрийии үлэлэргэ өйөбүл баар буолуоҕа.
Саҥа нуорманан, федеральнай таһымҥа норуот уус-уран айымньытын уонна оҥорон таһаарар испииһэгин, оттон эрэгийиэн таһымыгар урбаанньыттары уонна бэйэ дьарыктаах буолуу дьон испииһэгин хомуйуохтара.
Хас биирдии эрэгийиэн иһинэн уус-уран-эспиэртиир сүбэлэр тэриллиэхтэрэ. Сүбэ чилиэттэрэ уран тарбахтаах уустар, иистэнньэҥнэр үрдүк таһымнаах оҥоһуктарын, оҥорор ньымаларын чинчийиэхтэрэ уонна оҥоһук хаачыстыбатын сыаналыахтара.
Бүгүҥҥү күҥҥэ Саха сиригэр 4 тыһ. тахса киһи өбүгэ саҕаттан тиийэн кэлбит норуот уус-уран төрүт дьарыга сайдарын туһугар үлэлэһэр. Кинилэртэн 600-тэн тахса киһи “норуот маастара” диэн бочуоттаах ааты сүгэр. Бары улуустарга маастардар 112 холбоhуктара үлэлииллэр.
«Саханефтегазсбыт» АУо 2025 сылга ыраах сытар, сылы эргиччи суола-ииһэ суох, автозаправочнай (АЗС) уонна контейнернай автозаправочнай…
Суруналыыстары кытта көрсүһүүтүгэр киин куорат мээрэ Евгений Григорьев мээрийэ өйөбүлүнэн тахсар "Киин куорат" хаһыат туһунан…
Саха сиринээҕи Суһал ыстаап анал байыаннай эпэрээссийэҕэ кыттааччылары наадалаах тэриллэринэн уонна тиэхиньикэнэн хааччыйыыга систиэмэлээх үлэтин…
Саҥа дьылга Соҕуруу федеральнай уонна Хотугу Кавказтааҕы уокуруктартан ураты Арассыыйа Европатааҕы чааһын үгүс сиригэр хаардыыр.…
Бу түбэлтэни Александр Аргунов аҕабыыт 1913 с. “Якутские Епархиальные Ведомости” сурунаал 17-с нүөмэригэр бэчээттэппит. 1908…
Тохсунньу 1 күнүттэн киин куоракка оптуобус төлөбүрэ 58 солкуобайга диэри үрдүүрүн туһунан киин куорат баһылыга…