А.Е. Кулаковскай аатынан Саха сирин норуоттарын доҕордоһууларын дьиэтигэр «Уруйдан, Уус күнэ!» дойдуга дьиэ кэргэн уонна өрөспүүбүлүкэҕэ Оҕо сылыгар аналлаах норуот маастарын күнүгэр аналлаах дьоро киэһэ буолан ааста.
Билигин Саха сиригэр «Саха Өрөспүүбүлүкэтин норуот маастара» 294 киһи , «Саха Өрөспүүбүлүкэтин уус-уран үөрэхтээһинин маастара» 670 киһи аатын сүгэллэр. Барыта 4,5 тыһ. тахса киһи норуот уус-уран айымньытын эйгэтигэр дьарыктаналлар.
Саха сирин Ил Дархана Айсен Николаев бырааһынньыгынан эҕэрдэ тылыгар норуот маастардара өрөспүүбүлүкэ култуурунай нэһилиэстибэтин уонна устуоруйатын дьиҥнээх араҥаччылааччылара буолалларын бэлиэтээтэ.
Бырабыыталыстыба бэрэссэдээтэлин солбуйааччы Сергей Местников тэрээһин кыттыылаахтарын эҕэрдэлээн туран, кэлэр соругунан Дьокуускайга норуот уус-уран идэҕэ кластерын тэрийии буоларын эттэ.
Быйыл норуот маастарын күнүгэр сэлэлии хаамыыга 200 киһи кытынна, оттон түмүк тэрээһиҥҥэ 28 улуустан 1700 киһи кыттыыны ылла.
Үгэскэ кубулуйбут норуот уус-уран ускуустубатын сайыннарыыга уонна чөлүгэр түһэриигэ боччумнаах кылаатын иһин «Удьуор Уус» аата саха норуотун маастарыгар Николай Потаповка иҥэрилиннэ.
«Саха Өрөспүүбүлүкэтин норуотун маастара» бочуоттаах бэлиэни Саха сирин 8 улууһуттан 11 норуот сатабыллаах маастардарыгар туттардылар.
Хаартыска: «Симэх» национальнай галерея
Сылын ахсын ыытыллар ыам ыйын 9 күнүгэр Аҕа дойду Улуу сэриитин Кыайыытын уһансыбыт буойуттар ааттарын…
– Хапытаалынай өрөмүөҥҥэ иэстээхтэри кытта хайдах үлэлэһэҕит? Суукка ыытаҕыт дуу? С.Алексеева. “СӨ Элбэх кыбартыыралаах дьиэлэри…
Саха сириттэн чэпчэки атлетикаҕа спортсменка Алена Татаринова Татарстааҥҥа ыытыллыбыт Арассыыйа чөмпүйэнээтигэр марафоҥҥа иккис миэстэни ылла.…
Ыам ыйын 6 күнүгэр Татарстаан өрөспүүбүлүкэтин киинигэр Казань куоракка «Казань оһуордара» оҕо уонна ыччат айар…
Бу күннэргэ оҕуруоччуттарга эппиэттээх кэм саҕаланна. Өлгөм үүнүүлээх оҕуруот аһын ылары ситиһэргэ кэмигэр уонна хаачыстыбалаах…
Михаил Мишустин Госдуумаҕа дойду бырабыыталыстыбатын бэрэссэдээтэлин солбуйааччыларын уонна федеральнай миниистирдэр дуоһунастарыгар кандидатуралары бигэргэтэргэ испииһэги киллэрдэ.…