Хаартыска: Елена Потоцкая.
Быйылгы Норуот маастарын күнүн сонун сүүрээнинэн сэлэлээн хаамыы кэнниттэн тэрээһин кыттыылаахтара СӨ Бырабыыталыстыбатын дьиэтиттэн «Саха» НКИХ быһа эпииригэр кыттыылара буолла.
Култуура уонна духуобунас минииистирэ Афанасий Ноев, «Симэх» галерея генеральнай дириэктэрэ Яна Игнатьева Норуот маастарын күнүнэн истиҥ эҕэрдэлэрин тиэртилэр.
— Норуот духуобунай баайын, кутун-сүрүн дууһаларыгар илдьэ сылдьар дьоммутунан норуот маастардара буолаллар. Тыйыс тымныы усулуобуйалаах сиргэ олорор, былыр былыргыттан таҥаспытын, иһиппитин-хомуоспутун, киэргэлбитин илдьэ сылдьар дьон буолан, аныгы үйэҕэ тиийэ үүнэр көлүөнэҕэ тиэрдэрдии аҕаллыбыт, салгыы ону байытабыт, ураты ис хоһооннуубут. Ол ону култуура араас бэстибээллэрэ, бүгүҥҥү сэлэлээн хаамыы курдук тэрээһиннэр норуот маастардарын үлэлэрин түмүгүн көрдөрөллөр, — диэн бэлиэтээтэ СӨ култуура уонна духуобунас сайдыытын миниистирэ Афанасий Ноев.
Оттон «Симэх» галерея генеральнай дириэктэрэ Яна Игнатьева бэлиэтээбитинэн, өрөспүүбүлүкэбитигэр 316 киһи «Саха Өрөспүүбүлүкэтин норуотун маастара», 726 киһи «Саха Өрөспүүбүлүкэтин норуот уус-уран оҥоһуктарын маастара» үрдүк ааттары сүгэр. «Саха оҥоһугун араас көрүҥнэрэ балысханнык сайдаллар. Ол курдук, туос, көмүс, тимир оҥоһуктарбыт Арассыйа таһымыгар дорҕоонноохтук ааттаннылар«, — диэн санаатын үллэһиннэ Яна Викторовна. Салгыы «Саха» НКИХ быһа эпииригэр улуустар баһылыктара, култуура улуустаҕы управлениеларын салайааччылара бэйэлэрин улуустарын айар куттаах дьонун билиһиннэрдилэр.
Онон бүгүҥҥү норуот маастарын күнүн өрөспүүбүлүкэ олохтоохторо сиһилии көрдүлэр-иһиттилэр.
Бу күннэргэ Саха сирин улуустарыгар Төрөөбүт тыл уонна сурук-бичик күнүгэр анаммыт тэрээһиннэр салҕаналлар. Биир олус…
Бу үөрүүлээх күҥҥэ СӨ Бырабыыталыстыбатын Бэрэссэдээтэлэ Кирилл Бычков кыттыыны ылла. Гимназия устуоруйата 1990-с сыллар саҥаларыттан,…
Бэҕэһээ, Ийэ тыл, сурук-бичик күнүгэр, Киллэм култууратын дьиэтин үлэһиттэрэ ураты эҕэрдэлэринэн дьону соһуттулар уонна үөртүлэр.…
Бүгүн Уһук Илин тоҕус эрэгийиэнин сүүмэрдэммит хамаандаларын художественнай гимнастикаҕа бастыыр иһин күрэхтэһиилэрин үһүс күнэ Саха…
Төрөөбүт тыл уонна сурук-бичик күнүнэн Таатта улууһун Дьохсоҕон нэһилиэгэр “Саргыланнын-кынаттаннын сахам тылын кэрэтэ-кэрэмэһэ!” диэн өрөспүүбүлүкэ…
Бырабыыталыстыбаҕа Бүлүү бөлөх улуустарга уоту туһаныы кээмэйин диапазоннарын (тарыыптарын) хаттаан көрбүттэр. Сунтаар уонна Ньурба улуустарыгар…