Норуот маастарын күнүгэр анаммыт тэрээһиннэр быйыл хас да тыйаатырынан ыытыллыахтара

Бу күннэргэ өрөспүүбүлүкэ улуустарыгар Норуот маастарын күнүн чэрчитинэн араас анал тиэмэлээх быыстапкалар, маастар-кылаастар буола тураллар.

Сүрүн тэрээһининэн кулун тутар 5 күнүгэр ыытыллар саха национальнай таҥаһын кэтэн сэлэлээн хаамыы буолуоҕа.

— Быйылгы Норуот маастарын күнэ Улуу Кыайыы 80 сылыгар ананыаҕа.  Өбүгэ нэһилиэстибэтин харыстыыр ​​эрэ буолбакка, үүнэр көлүөнэни норуотуну уус-уран устуоруйатын ытыктыыр, былыргы маастар үөрүйэҕин тилиннэриигэ дьулуһар, төрөөбүт дойдутун сайыннарыыга үлэлэһэр, айар-тутар ыччаты иитэр норуот маастардарынан киэн туттабыт.  Быйыл болҕомто көлүөнэ уонна кэм ситимин — историческай өйдөбүлү көрдөрөр маастардар үлэлэригэр ууруллуоҕа. Үөрүүлээх быһыыга-майгыга өрөспүүбүлүкэҕэ патриотизм уонна төрөөбүт дойдуларыгар таптал туоһутунан буолбут бастыҥ уустары чиэстээһин буолуоҕа,— диэн бэлиэтээтэ СӨ култуураҕа уонна духуобунай сайдыыга миниистирэ Афанасий Ноев.

Норуот маастарын күнүн чэрчитинэн үгүс тэрээһин ыытыллыаҕа.

Норуот маастарын күнүгэр анаммыт тэрээһинннэр

БЫРАГЫРААМАЛАРА

 Кулун тутар 4 күнэ

 18:30  — Өксөкүлээх Өлөксөй аатынан Норуоттар доҕордоһууларын дьиэтигэр өрөспүүбүлүкэтэҕи таһымнаах норуот маастардарын уонна эдэр модельердар айар киэһэлэрэ.

Кулун тутар 5-6 күннэрэ

  10.00. — Өксөкүлээх Өлөксөй аатынан Норуоттар доҕордоһууларын дьиэтигэр, Былатыан Ойуунускай аатынан Саха Академическай тыйаатырыгар Аҕыйах ахсааннаах төрүт норуоттар судаарыстыбаннай тыйаатырдарыгар «Якутия мастеровая» XV өрөспүүбүлүкэтээҕи быыстапка-дьаарбаҥка үлэлиэҕэ. Маны тэҥэ, «Арчы дьиэтигэр» 10 чаастан «Өрөгөй чорооно» маһынан кыһыы, «Тууйас» туос оҥоһук күрэстэрэ буолуоҕа.

10.00.  — Саха Академическай тыйаатырыгар тимир уустар үлэлэрин быыстапката.

10.00. — Аҕыйах ахсааннаах төрүт норуоттар судаарыстыбаннай тыйаатырдарыгар «Пульдьэрук» ботуруон угар хааны (патронташ) оҥоруу куонкуруһа.

Кулун тутар 5 күнүгэр:

 12.00 — IX кыһыҥҥы национальнай таҥаһы кэтэн сэлэлээн хаамыы буолуоҕа.

14.00 — Былатыан Ойуунускай аатынан Саха Академическай тыйаатырыгар тимир уустарын үлэлэрин быыстапкатын үөрүүлээхтик аһыы.

18.00 — «Уруйдан, Уус күнэ!» Норуот маастарын күнүгэр анаммыт үөрүүлээх дьоро киэһэ.

Кулун тутар 6 күнэ

10.00 — Өксөкүлээх Өлөксөй аатынан Норуоттар доҕордоһууларын дьиэтигэр норуот оҥоһуктаргар маастар-кылаастар буолуохтара.

10.00 — «Гостинай» саалаҕа «Норуот оҥоһуктарын сайдыытыгар туһуламмыт Аһаҕас кэпсэтии буолуоҕа. 14.00- Былатыан Ойуунускай аатынан Саха Академическай тыйаатырыгар «Кылаан кылыс» саха быһаҕын оҥоруу күрэһэ буолуоҕа.

15.00 — «Кыл саха» этническэй муусукатын 10 сылыгар анаммыт тэрээһин.

Кулун тутар 7 күнэ

10.00 — Тимир уустарын уонна норуот маастардарын  кытта  Айар үлэ түмүктэригэр быраап эргиирин Арассыыйатааҕы киинэ (РЦИС) эрэгийиэннээҕи бэрэстэбиитэллэрин көрсүһүүлэрэ.

10.00 — Өксөкүлээх Өлөксөй аатынан Норуоттар доҕордоһууларын дьиэтигэр норуот оҥоһуктарыгар маастар-кылаас.

14.00  — Бырабыыталыстыба 2 №-дээх дьиэтигэр XV өрөспүүбүлүкэтээҕи «Якутия мастеровая» быыстапка-дьаарбаҥка түмүгүн таһаарыы. Норуот маастарын күнүн үөрүүлээхтик сабыы тэрээһинэ.

Саха норуота олус сөбүлүүр, кэрэхсиир тэрээһиннэригэр сылдьыҥ, атыылаһыҥ, кэрэни, үйэлээҕи көрөн, дууһалыын сынньаныҥ.