Хаартыска: М.Н.Попова тиксэриитэ.
Саха сиригэр кулун тутар 5 күнүгэр бэлиэтэнэр Норуот маастарын күнүн уонна Кыайыы 80 сылын чэрчитинэн, ыраах хоту Дьааҥы эбэ үрдүгэр турар, араас балыгынан, түүлээҕинэн маанылаабыт Усуйаана улууһун Усуйаана нэһилиэгин “Кэскил” култуура дьиэтигэр, илиилэригэр талааннаах иистэнньэҥнэр, өбүгэлэрбит үйэлэри уҥуордаан илдьэ кэлбит үгэстэрин харыстыы сылдьан сайыннарар уус тарбахтаах кэрэ аҥаардар көмөлөрүнэн, киһи эрэ кэрэхсиэх быыстапката турда.
Ол курдук, Михайлова Эльвира Гаврильевна, Слепцова Людмила Петровна, Корякина Ирина Ивановна, Батюшкина Евдокия Михайловна, Батюшкина Виктория Викторовна, Сыроватская Улита Васильевна, Барабанская Елена Кирилловна, Колодинская Туйаара Николаевна, Михайлова Екатерина Антоновна, Батюшкина Диана Евгеньевна уо.д.а. маһынан, тааһынан, тимиринэн, туойунан, муоһунан, тириинэн, балык тириититтэн, түүлээҕинэн, уо.д.а. араас матырыйаалынан уус-уран оҥоһуктары оҥорон быыстапкаҕа туруордулар. Айар-тутар үлэлээх, мааны-талба талааннаах, иис абылаҥар дууһаларын уурбут далбар хотуттарга алгыс маанытын, баһыыба бастыҥын этэбит.
Ону тэҥэ, былырыын ахсынньы 12 күнүгэр «Дуннэдув» — “Земле моей” өрөспүүбүлүкэтээҕи хотугу норуоттар маастардарын үһүс быыстапкатыгар, биһиги биир дойдулаахтарбыт, Дьоруой Горохов С.В. аатын сүгэр Усуйаана оскуолатын учуутала, уран тарбахтаах «Уһуйаан» куруһуок салайааччыта Виктория Федоровна Никифорова уонна үрдүкү кылаас үөрэнээччилэрэ Михайлова София, Слепцова Аделия үрдүк ситиһиилээхтик кыттан, көрөөччү биһирэбилин ылан, үөрүү кынаттаах сонун төрөөбүт түөлбэбитигэр тилийэ көттө, Усуйаанабыт аатын ааттатта.
Дьэ, бу курдук айар-тутар талба талааннаах дьоммутугар ситиһиигит өссө да үксээтин, айар үлэҕит арыллан, сайдан истин, баай-талым дьоллоох олоҕу диэн баҕа саанаабытын этэбит!
Матрена ПОПОВА, Усуйаана нэһилиэгин кулуубун дириэктэрэ.
Сайын ортото – оҕуруот аһа ситэр-хотор кэмэ. Бу кэмҥэ үүнээйини араас үөн-көйүүр буорту гынара оҕуруотчуттар…
Ытык-мааны Таатта сиригэр-уотугар "Манчаары" оонньуулара ыытыллыбыта нэдиэлэ буолла. Бүгүн быһаарыылаах түмүк күн. Хас күн ахсын…
«Мэйии. Үгэс. Ыра санаа» документальнай киинэ сүрэхтэниитэ 2025 сыл балаҕан ыйыгар Дьокуускайга, Санкт-Петербурга уонна Москваҕа…
Бүгүн үс күннээх V өрөспүүбүлүкэтээҕи «Yлэ, иис күрэҕэ» иистэнньэҥ ийэлэр уонна волонтердар күрэстэрэ, «Кыайыы 50…
Кэлэр нэдиэлэҕэ Дональд Трамп, АХШ-ка 500%-наах пошлиналаах сааҥсыйатын бакыата ырытыллар кэмигэр, «Арассыыйа туһунан улахан суолталаах…
Сыл аайы сөтүөлүүр кэм саҕаланыыта уончанан киһи ууга ыстанарга биир сэрэҕэ суох хамсаныыттан сиһин тоноҕоһун…