Норуот сомоҕолоһуутун күнүгэр түмэллэр ыҥыраллар

Сэтинньи 4 күнүгэр судаарыстыбаннай түмэллэр ааннара сарсыарда 10-тан киэһэ 18 чааска диэри көрөөччүлэргэ аһаҕас.

Ол курдук, СӨ Национальнай художественнай түмэлигэр академик Грабар аатынан Бүтүн Арассыыйатааҕы художественнай-реставрациялыыр киин хомуурдарынан «Древнерусская живопись в наследии А.Н. Овчинникова» быыстапка үлэлиэҕэ.

Ем. Ярославскай аатынан түмэлгэ «Тепло материнских рук», «По благословению Сэвэки» (эвенкийские традиции охоты и рыбалки), «Огнестрельная эволюция: из коллекции огнестрельного оружия музея», «Вечерами мы играли», «Для чего нам камни?» быыстапкаларга ыҥыраллар.

Саха сирин норуоттарын муусукатын уонна фольклорун түмэлигэр «Персонажи Смутного времени на Руси: в истории и в музыке» диэн видеонан эспэнээт көрдөрүөхтэрэ, кэпсиэхтэрэ уонна «Сомоҕо Оһуохайа» диэн оһуохайга ыҥырыахтара.

Хомус түмэлигэр уонна кииҥҥэ «Хомуска толорооччулар династиялара» быыстапка үлэлиир

Былатыан Ойуунускай аатынан Саха судаарыстыбаннай литературнай музейа «Дружба литератур — дружба народов» бырайыак экскурсиятыгар уонна билиһиннэриитигэр ыҥырар.

Өлөөн сэлиэнньэтигэр Өлөөннөөҕү хотугу норуоттар историко-этнографическай түмэлэ Өлөөн уонна Харыйалаах нэһилиэктэрин олохтоохторугар «Код предков – сквозь глубину веков» экскурсия быыстапкатыгар сылдьалларыгар ыҥырар. Быыстапкаҕа норуот маастара Анна Сергеева үлэлэрин  билиһиннэриэхтэрэ.

Ленскэйдээҕи «Дружба» судаарыстыбаннай историко-архитектурнай түмэл-заповедникка Уус Алдан улууһун Суотту сэлиэнньэтигэр «В дружбе народов — сила России» бырааһынньыктааҕы тэрээһин ыытыллар. Онно национальнай бүлүүдэлэр дьаарбаҥката, маастар- кылаастар ыытылыахтара.