Норуот сомоҕолоһуутун күнүгэр ыытыллар тэрээһиннэр

Сэтинньи 1-10 күннэригэр СӨ Национальнай архыыба «Якутская национальная военная школа и ее роль в подготовке бойцов Красной Армии» диэн быыстапкаҕа ыҥырар.

Сэтинньи 2 күнүгэр Суорун Омоллоон аатынан опера уонна балет тыйаатырыгар «Князь Игорь» диэн историко-эпическай операны көрдөрүөхтэрэ.

Сэтинньи 3 күнүгэр   А.Е. Кулаковскай аатынан норуоттар доҕордоһууларын дьиэтигэр «Слово и дело» байыаннай дьайыы кыттыылаахтарыгар анаммыт норуоттар доҕордоһууларын былаһаакката үлэлиэҕэ.

Ону сэргэ, бу күн саха сирин олохтоохторо «Большой этнографический диктант» диэн аахсыйаҕа кыттыахтара.

П.А.Ойуунускай аатынан саха академическай драматическай тыйаатырыгар  драматург Баһылай Харысхал суруйуутунан, Андрей Борисов туруоруутунан «Көмүөл» испэктээкили көрүөххүт.

Маны таһынан сэтинньи 4 күнүгэр  Доҕордоһуу болуоссатыгар уопсатыбаннас миитинэ ыытыллыаҕа.

Бу күннэргэ элбэх тэрээһин ыытыллара күүтүллэр.