Хаартыска: SakhaGov
Норуот сомоҕолоһуутун күнүн иннинэ Саха сириттэн сылдьар байыастарга байыаннай дьайыы зонатыгар уонна байыаннай госпиталларга сытар бааһырбыт байыаннайдарга бэлэх набордарын — төрөөбүт өрөспүүбүлүкэттэн ас-үөл — туттараллар.
«Бастакы баһыылкалар анаммыт дьонноругар номнуо тиийдилэр. Набордарга — саллааттар күүстэрин-уохтарын, санааларын бөҕөргөтөргө көмөлөһөр, биһиги олохтоох оҥорон таһаарааччыларбытыттан тахсыбыт минньигэс саха астара бааллар. Уолаттар саха аһын олус ахталлар, онон маннык бэлэхтэр кинилэргэ ордук күндүлэр. Өрөспүүбүлүкэ тирэх пууннарын бэрэстэбиитэллэрэ биһиги биир дойдулаахтарбыт — саха буойуттара сулууспалыыр подразделениеларын турар сирдэригэр күн аайы набордары тиэрдэллэр. Уопсайа 12,5 туоннаттан тахса бэлэх ыытылынна», – диэн Ил Дархан Айсен Николаев бэлиэтээтэ.
Бастатан туран, бырааһынньыктааҕы набордар Илин байыаннай уокурук байыаннай госпиталларыгар тиэрдилиннилэр. Бу күннэргэ байыаннай дьайыы зонатыгар баар өрөспүүбүлүкэ тирэх пууннарын бэрэстэбиитэллэрэ Арассыыйа Сэбилэниилээх Күүстэрин подразделениеларын быстах кэмҥэ турар пууннарыгар күн аайы айаҥҥа туруналлар. Бу гуманитарнай аахсыйа, ордук Норуот сомоҕолоһуутун күнүн иннинэ, улахан суолталаах. Саха сирэ буойуттарыгар көмөнү уонна өйөбүлү хааччыйыыга сомоҕолоһуутун көрдөрөр. «Биһиги саллааттарбыт сөбүлүүр сахалыы астарынан эрэ буолбакка, бойобуой санааларын бөҕөргөтөр болҕомто бэлиэтин эмиэ ылаллар», – диэн байыаннай дьайыы Саха сирин тирэх пуунун үлэһиттэрэ бэлиэтээтилэр.
Норуот дьокутааттара алтынньы 27 күнүгэр Ил Түмэҥҥэ 33-с Федеральнай сокуон иитинэн бэйэбит өрөспүүбүлүкэбитигэр олохтоох бэйэни салайыныы сокуонун…
Саха сириттэн алта устудьуон Москваҕа алтынньы 30 күнүттэн сэтинньи 2 күнүгэр диэри ыытыллар инбэлииттэр уонна…
Ньурба оройуонун суута олохтоох киһини өлөрүүгэ буруйдааҕын билинэн, бириигэбэр таһаарда. Быһылаан бу сыл атырдьах ыйыгар…
Саха сиригэр -40С кыраадыска тиийэ тымныйыа. Гидрометеосулууспа иһитиннэрэринэн, алтынньы 30 күнүгэр түүн хотугулуу-илин намыһах сирдэринэн…
Ааспыт суукка устата Дьокуускайга эмсэҕэлээччитэ суох 7 суол быһылаана таҕыста. Бу туһунан киин куораттааҕы Госавтоинспекция…
Бэтэринээрийэ управлениетын дааннайынан, сыл саҕаланыаҕыттан өрөспүүбүлүкэҕэ 3164 хаһаайына суох кыыл тутулунна. Өссө 137-тэ — приюттарга…