Хаартыска: Ем.Ярославскай аатынан мусуой
Атырдьах ыйын 10 күнүгэр Ем.Ярославскай аатынан Хотугу сир норуоттарын устуоруйатын уонна култууратын судаарыстыбаннай холбоһуктаах түмэлигэр СӨ норуодунай артыыската, СӨ култууратын үтүөлээх үлэһитэ, Мэҥэ Хаҥалас улууһун бочуоттаах гражданина Анастасия Варламова төрөөбүтэ 75 сылыгар аналлаах быыстапка аһылынна.
«Саха алааһын Иэйэхситэ» быыстапкаҕа сахатын норуотугар 70-ча ырыаны айан хаалларбыт Анастасия Варламова хаартыскалара, докумуоннара, сыанаҕа кэппит көстүүмнэрэ, наҕараадалара, СД-диискэлэрэ, кассеталара уо.д.а. тус маллара көрдөрүүгэ туруорулуннулар.
Ону таһынан өрөспүүбүлүкэ хаһыаттарыгар бэчээттэммит ыстатыйалары, Ем.Ярославскай аатынан түмэл, Р.Г.Васильев аатынан Мэҥэ Хаҥалас кыраайы үөрэтэр түмэлин, И.С.Жараев аатынан СӨ норуоттарын аудиовизуальнай нэһилиэстибэтин национальнай киинин пуондаларыттан экспонаттары көрүөххэ сөп. Быыстапканы Анастасия Варламова чугас дьүөгэтэ Саргылана Саввична Адамова-Алтан Кыыс тус архыыбыттан аҕалбыт матырыйааллара ситэрэн-хоторон биэрэллэр.
Быыстапка аһыллыытыгар Зоя Тумусова түмэл пуондатыгар Анастасия Варламова бриллианнаах кольетын уо.д.а. тус малларын туттарда. Тапталлаах ырыаһыппыт олоҕун, үлэтин кэпсиир баай ис хоһоонноох быыстапка сэтинньи 4 күнүгэр диэри үлэлиэҕэ.
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…