«Норуот участковайа» куонкуруска онлайн-куоластааһын ыытыллар

Алтынньы 16 күнүгэр диэри өрөспүүбүлүкэ үрдүнэн 2025 сыллааҕы бастыҥ «Норуот участковайа» Бүтүн Арассыыйатааҕы куонкурус иккис түһүмэҕэ ыытыллар. Бу туһунан ИДьМ пресс-сулууспата иһитиннэрэр.

Онлайн-куоластааһыҥҥа өрөспүүбүлүкэ араас улуустарыттан 10 полиция учаастактааҕы боломуочунайа кыттар.

• 1. БАИШЕВ Никита Степанович (ИДьМ «Дьокуускайдааҕы» МУ 2 №-дээх полициятын отдела);
• 2. ВЛАСОВ Максим Дмитриевич (Мэҥэ Хаҥалас улууһа);
• 3. ГАРЕЕВ Вадим Фанисович (ИДьМ «Дьокуускайдааҕы» МУ 3 №-дээх полициятын отдела);
• 4. ГРИГОРЬЕВ Семен Семенович (Бүлүү улууһа);
• 5. ДАВЫДОВ Дьулустан Валентинович (Өлүөхүмэ улууһа);
• 6. ИВАНОВ Владимир Русланович (Ньурба улууһа);
• 7. КОКЕНЕЕВА Суюмбике Расуловна (Алдан улууһа);
• 8. КОРЯГИН Николай Юрьевич (Мииринэй улууһа);
• 9. ПРОТОПОПОВ Семен Семенович (Үөһээ Бүлүү улууһа);
• 10. СОФРОНОВ Степан Степанович (Уус Алдан улууһа).

Ирдэбил быһыытынан, иккис түһүмэх түмүгүнэн Саха сиринээҕи ИДьМ бастыҥ участковайа куонкурус Бүтүн Арассыыйатааҕы түмүктүүр түһүмэҕэр кыттыаҕа. Саамай норуот биһирэбилин ылбыт участковайдарын наҕараадалааһын уонна сүрүн бирииһи туттарыы куонкурус кыттыылаахтарын идэлээх бырааһынньыктарыгар – Полиция участковайын боломуочунайын күнүн көрсө үөрүүлээх быһыыга-майгыга ыытыллыаҕа. Куоластыырга бу сигэнэн киириҥ.