Хаартыска: @suntaar_ulus
Сунтаарга күүтүүлээх-кэтэһиилээх политехническэй лицей-интернат саҥа эбийиэгин тутуута саҕаланна. Бэдэрээтчит «Главстройкомплекс» тутуу тэрилтэтэ үлэһиттэрин, матырыйаалларын барытын аҕалан, билигин сирин оҥорон, бу күннэргэ сыбаайалары түһэриэхтэрэ.
90-с сылларга өрөспүүбүлүкэҕэ аан бастакынан политехническай үөрэхтээһин хайысхатын киллэрбит, норуот учуутала Олег Сосин саҥа тутуллуохтаах эбийиэк сирин-уотун астына көрөр. Ханан, туох буолуохтааҕын номнуо хараҕар ойуулуур.
Политехническай лицей-интернат үөрэнээччилэргэ хаачыстыбалаах үөрэҕи биэрэргэ, бу сыллар устата материальнай-техническэй базатын кыаҕырдарга бэйэтин күүһүнэн үлэлээн кэллэ. Манна уопуттаах уһуйааччылар физико-математическай, химико-биологическай хайысхаларга болҕомтолорун туһаайан бырамыысыланнай, техническэй эйгэҕэ оҕолору бэлэмнээн таһаараллар.
Лицей статуһун үрдэтэргэ, хайаан даҕаны, оҕолор оробуочай идэлэри баһылаан тахсыахтаахтар диэн санаанан, ювелирнай сыахтар үлэлииллэр. Ону таһынан оҕо сатабылын, дьоҕурун сайыннарар барыта 11 дьарык баар.
Хас биирдии үөрэнээччи, иитиллээччи ситиһиитэ үлэ таһымын үрдэтэр, саҥа арыйыыларга кынаттыыр. Манна уһуйуллан тахсыбыт улуус, өрөспүүбүлүкэ аатын аан дойдуга дорҕоонноохтук ааттатар выпускниктар элбэхтэр.
Бэйэбитин көрүнүөҕүҥ, доруобуйабытыгар туһалааҕы оҥостуоҕуҥ. Ытыстары бэйэ-бэйэлэригэр аалан сылытыллар уонна сырдык киирбэтин курдук тарбахтары бэйэ-бэйэлэригэр…
Икки күн устата ыытыллыбыт "Биисинэс-Экспо 2024" Саха сирин урбаанньыттарын, бэйэ дьыалатынан дьарыктанар дьону түмэр, көҕүлүүр…
Уус Алдан улууһугар бибилэтиэкэ тэриллибитэ 100 сылыгар, РФ Конституциятын күнүнэн С.С. Васильев-Борогонскай аатынан оройуоннааҕы киин…
Өлүөхүмэ улууһун Улахан Муҥку сэлиэнньэтигэр “Биһиги бииргэ” аһымал кэнсиэр буолла. Кэнсиэр Малдьаҕар начаалынай оскуолатын-уһуйаанын кэлэктиибин,…
2024 сыл ахсынньы 25 күнүгэр "Союз2.1б" аракыата-носитель "Байконур" космодромуттан Саха Өрөспүүбүлүкэтин уонна Бүлүү куоратын гербэлэрэ…
Оскуола агролабораториятыттан репортаж. Кыһыҥҥы суол аһыллан, илин эҥээр бастакы командировкабыт Мэҥэ Хаҥалас Сыымаҕар туһаайылынна. Эрэдээксийэ…