Салгыы
Норуот уус-уран оҥоһугун күнүн көрсө — сонун быыстапка

Норуот уус-уран оҥоһугун күнүн көрсө — сонун быыстапка

05.06.2023, 19:50
Хаартыска - Елена Потоцкая
Бөлөххө киир:

РФ Бэрэсидьиэнэ Владимир Путин 2022 сыл бэс ыйын 17 күнүнээҕи 384 №-дээх «Норуот уус-уран оҥоһугун күнүн туһунан» ыйааҕар  бэс ыйын бүтэһик өрөбүлүн күнүн иннинээҕи өрөбүлгэ бу бэлиэ күн бэлиэтэнэрин ыйбыта.  Быйыл Норуот уус-уран оҥоһугун күнэ  бэс ыйын 18 күнүгэр түбэһэр.

Бүгүн, бэс ыйын 5 күнүгэр, «Симэх»  национальнай галерея, Өксөкүлээх Өлөксөй аатынан Норуоттар доҕордоһууларын дьиэтин иһинэн үлэлиир аҕыйах ахсааннаах норуоттар култуураларын салаата, норуоттар ассамблеялара кыттыһан, бу күннэргэ буола турар аҕыйах ахсааннаах норуоттар «Бакалдын» (эбэҥкилэр), «Эвинек» (эбээннэр) национальнай бырааһынньытарын чэрчитинэн хотугу улуустар иистэнньэҥнэр быыстапкаларын арыйар дьоро күнү тэрийдилэр. Ол курдук, Анаабыр уонна Аллараа Халыма улуустарыттан София Захарова, Анаабыртан Афина Дарианова, «Аборигенка» Аҕыйах ахсааннаах норуоттар иистэнньэнэрин түмсүүтүн салайааччыта Ия Герес, Өлөөн эбэҥки национальнай оройуонун бэрэстэбиитэлэ Надежда Степанова өр сыллаах үлэлэрэ быыстапкаҕа турда.

Быыстапка кыттыылаахтарыгар  «Симэх»  национальнай галерея салайааччыта Яна Игнатьева, Аҕыйах ахсааннаах норуоттар асоциацияларын салайааччыта Вячеслав Шадрин, Өксөкүлээх Өлөксөй аатынан Норуоттар доҕордоһууларын дьиэтин иһинэн үлэлиир аҕыйах ахсааннаах норуоттар култуураларын салаатын салайааччыта Ольга Охлопкова эҕэрдэ тылларын анаатылар, айар үлэлэрэ ситиһиилэнэ турарыгар баҕардылар.
Быыстапка аһыллыытыгар үгүс киһи сылдьан, иистэнньэҥнэр үлэлэрин сөҕө көрдүлэр.
Норуот уус-уран оҥоһугун күнүн чэрчитинэн аһыллыбыт быыстапка бэс ыйын 18 күнүгэр диэри Аржаков уулусса 6 №-гэр, «Симэх» галерея быыстапкалыыр саалатыгар туруоҕа.
+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
29 марта
  • -14°C
  • Ощущается: -20°Влажность: 40% Скорость ветра: 3 м/с

Сообщить об опечатке

Текст, который будет отправлен нашим редакторам: