Норуоттар доҕордоһууларын дьиэтигэр «Доруобай Дьокуускай» дьаарбаҥка аһылынна

Бүгүн, балаҕан ыйын 6 күнүгэр, Норуоттар доҕордоһууларын дьиэтигэр Куорат күнүн көрсө «Доруобай Дьокуускай» дьаарбаҥка аһылынна.

Бырагыраама чэрчитинэн куорат эмчиттэрэ көрүөхтэрэ уонна консультациялыахтара. Ол курдук, дьаарбаҥкаҕа табахтан аккаастаныы килиниичэскэй психолог консультациялара, флюорография, ВИЧ- инфекция, гепатит В, С, сифилис, сэллик ыарыылары буларга тестирование ыытыллаллар.

Айах гигиенатыгар, тиис ыарыытын сэрэтиигэ маастар-кылаастар тэрилиннилэр. «Саамай сүрүнэ —  киһи доруобуйата. Онон хас биирдии киһи тус бэйэтин дьолун туһугар кыһаллыахтаах. Гражданнар доруобуйаларын дойду судаарыстыбаннай бэлииткэтин сүрүн тутаах тэрээһинэ буолар. Дойду Бэрэсидьиэнэ көҕүлээбит национальнай бырайыактар — бу бүтүн холбоһуктаах тэрээһиннэр, ол иһигэр доруобуйа харыстабылын тиһигин сайыннарыыга туһуламмыт дьаһаллар. Саха сиригэр элбэх мэдиссиинэ тэрилтэлэрэ үлэҕэ киирдэ: перинатальнай, кардиососудистай уонна онкологическай кииннэр, биэс оройуон киинин балыыһалара, 65 врачебнай амбулаториялар уонна фельдшерскэй- акушерскай пууннар, 300-чэ тырааныспар атыылаһылынна»,-диэн бэлиэтээн эттэ Доруобуйа харыстабылын миниистирэ Татьяна Павлова.