Хаартыска: Нурудин Нурудинов
СӨ норуоттарын Ыччатын Ассамблеятын бэрэссэдээтэлэ Нурудин Нурудинов Арассыыйа күнүн туһунан санаатын үллэһиннэ, бырааһынньыгынан эҕэрдэлээтэ.
Нурудин Нурудинов, СӨ норуоттарын Ыччатын Ассамблеятын бэрэссэдээтэлэ:
— Арассыыйа күнүн мин улахан суолталаах бырааһынньыгынан ааҕабын. Бу аҥаардас Арассыыйа олохтоохторун эрэ буолбакка, нуучча култууратын, нуучча норуотун кытта тугунан эрэ ситимнээх, сибээстээх дьон сүрүн бырааһынньыктарыттан биирдэстэрэ буолар. Арассыыйа Федерациятыгар олорон кинини кытта биир устуоруйалааххынан, биир ситимнээххинэн киэн туттаҕын. Онон бу күн “Мин — Арассыыйа олохтооҕобун, мин нууччабын, мин онон киэн туттабын” диэн ис сүрэхтэн, дьиҥ санааттан этэр күммүт. Ол иһин бу күн ыытыллар сабыытыйалар, тэрээһиннэр бары дьоһун суолталаахтар, наһаа наадалаахтар. Мин санаабар, биһиги кимнээхпитин, ханна баран иһэрбитин, тугу гынарбытын билэргэ маннык суолталаах, наадалаах тэрээһиннэр биир күҥҥэ эрэ буолбакка, чаастатык, сыл устата ыытыллыахтарын наада. Тоҕо диэтэххэ, чуолаан бүгүҥҥү күҥҥэ саамай тирэх буолар санааны бэрэсидьиэммит Владимир Путин этэн турар, биһиэхэ биир идеология баар — патриотизм диэн. Туох баар уорганнар, былаас, уопсастыбаннас бары бииргэ тутуһан үлэлээтэхпитинэ эрэ үүнэн эрэр көлүөнэҕэ патриотическай өйү-санааны иҥэриэхпит, холобур ыччат эйгэтигэр тахсар араас кыһалҕаны бары бииргэ тобулан быһаарыахпыт.
Биһиги Ыччаппыт Ассоциацията омуктар икки ардыларынааҕы сыһыаннарынан, араас итэҕэллэр алтыһыыларынан дьарыктанар Саха сиринээҕи биир бөдөҥ ыччат тэрилтэтэ буолар. Тоҕо диэтэххэ, бу боппуруос биһиэхэ чугас, онон өйбүтүн-санаабытын, сырабытын-харабытын ууран үлэлиибит. Хас да сыл тухары кыахпыт баарынан биһиги дойдубутугар, чуолаан Саха Өрөспүүбүлүкэтигэр кэлбит хас биирдии киһиэхэ, ыалдьыкка ханна кэлбитин, тоҕо кэлбитин, манна ханнык норуоттар олороллорун, хайдах сиэрдээхтэрин-майгылаахтарын, култууралаахтарын тиэрдэ, кэпсии сатыыбыт. Бу омуктар икки ардыларыгар тахсар иирсээни, өйдөспөт буолууну туоратарга олус суолталаах, наадалаах.
Мин толерантность диэн тылы сөбүлээбэппин, биһиэхэ ити тылы солбуйар урут-уруккуттан бэртээхэй тыл баар — норуоттар доҕордоһуулара диэн. Бу доҕордоһуу туһугар күүспүт-кыахпыт баарынан араас тэрээһиннэри айа-тута сатыыбыт уонна биһигинниин бииргэ үлэлэһэргэ ыҥырабыт.
Барыгытын дойдубут Арассыыйа күнүнэн эҕэрдэлиибит!
“Успуорт сарыыссатынан” ааттанар чэпчэки атлетика аата эрэ “Чэпчэки атлетика”. Дьиҥинэн, успуорт көрүҥнэриттэн биир уустуктара. Ким…
Билиҥҥи кэмҥэ волонтердар көмөлөрө олус улахан суолталаах. Тыһыынчанан волонтердар түмсэн байыаннай дьайыы кыттыылаахтарын өйүүллэр. Бүгүн…
Бу күннэргэ Дьокуускайга бэйэ дьыалатын социальнай хантараак нөҥүө тэриммит дьоҥҥо олус туһалаах тэрээһин буолан ааста.…
Сунтаарга бу өрөбүл күннэргэ хапсаҕайы таптааччыларга улахан үөрүү. Сыллата ыытыллар Бордоҥтон төрүттээх хапсаҕайга спорт маастара…
Неонатолог быраастар кэмин иннинэ күн сирин көрбүт кырачааннар олохторун быыһыырга сүрүн оруолу ылаллар. Кинилэртэн биирдэстэрэ…
— Өскөтүн иккилээх оҕом сайдыытыгар хаалыылаах дии санаатахпына, ханна баран сүбэ-ама ылыахпын сөбүй? Саастыылаахтарын кытта тэҥнээн…