Арассыыйа оборуонатын министиэристибэтин көҕүлээһининэн байыаннай-тиэхиньиичэскэй «Аармыйа-2024» пуорум быыстапката атырдьах ыйын 12-14 күннэригэр Москва уобалаһыгар Кубинка аэродром Алабино полигонугар ыытылынна. Манна уопсайа 110 официальнай дэлэгээссийэ ыҥырыллан, Сахабыт сириттэн тиийэн уопсайа 12 тэрилтэ кыттыыны ылла.
Бу туһунан пуорумҥа кыттыыны ылбыт ХЭТ «Зеленая энергия» тэрилтэ дириэктэрэ, ХЭТ «Саха сирин котловой собуотун» инженерэ Виталий Прокопьев санаатын үллэһиннэ:
— Пуорум таһыма олус улахан этэ. Аан дойдуттан хас да судаарыстыбаттан кэлэн кыттыыны ыллылар. Кыттааччы да элбэх. Үксүн дрон, мэдиссиинэ, экипировка оҥорор тэрилтэлэр кэлбиттэр этэ. Биһиги АСПБ -87 диэн аармыйа оһоҕун көрдөрдүбүт. Оһохпутун олус сэргээтилэр, оҥоһуутун сөхпүттэрэ. Тоҕо диэтэххэ биһиги «Тимир Ат» курдук оҥоһуулаах электроэндуро олус аҕыйах этэ. Ол иһин дьон сөҕө көрбүтэ. Оһохпут тыаһа суоҕун, түргэнин, кыаҕын сэргээбиттэрэ. «ЯК -14м » платформабыт курдук олус элбэх этэ. Ол эрээри биһиэнин курдук оҥоһуулаах суоҕун тэҥэ. Пуорумҥа маннык платформаны салайар, сибээһин оҥорор дьону кытта билсибиппит, салгыы бииргэ үлэлэһиэх буолбуппут.
Соторутааҕыта Мэҥэ Хаҥалас улууһугар Төҥүлү нэһилиэгэр “Нөмүгү“ сайылыгар уонтан тахса сыл олохсуйан олорор Николай Баишев-Бойцов…
Быйыл Ньурбатааҕы судаарыстыбаннай көһө сылдьар драматическай тыйаатыр бастакы дириэктэрэ, Саха АССР үтүөлээх артыыһа Александр Алексеевич…
Өймөкөөн улууһугар уһун кэмнээх ардахтартан сорох нэһилиэнньэлээх пууннар ууга барбыттарынан сибээстээн, балаҕан ыйын саҥатыгар Өймөкөөн,…
Бүгүн, балаҕан ыйын 19 күнүгэр, Ил Дархан Айсен Николаев Орто Халыма куоратыгар үлэлээтэ. “Орто Халыма…
Синоптиктар бэлиэтииллэринэн, балаҕан ыйын 20 күнүгэр киин улуустарга -3...-8 кыраадыска диэри тымныйыан сөп. Дьокуускайга түүн …
Дьокуускай куоракка уулуссалар ааттарын, дьиэлэр нүөмэрдэрин бэрэдээктээһин ыытыллар буолбута көстөр. Ол курдук, соторутааҕыта Ленин проспегар…