Норуоттар икки ардыларынааҕы кэмпириэнсийэҕэ Саха сирин психологтарын уопуттарын дьүүллэһиэхтэрэ

Байыастарга уонна кинилэр дьиэ кэргэттэригэр психологическай көмөнү оҥорууга анаммыт кэмпириэнсийэҕэ Саха сирэ кыттыыны ылыаҕа.

Бу туһунан СӨ психологическай киинин дириэктэрэ Владимир Скрябин иһитиннэрдэ.

«ВЭФ-2024 Саха сирэ уонна психологическай чинчийиигэ федеральнай научнай киин түһэрсибит сөбүлэһиилэрин олоххо киллэрии иитинэн, өрөспүүбүлүкэтээҕи психологическай киин кэмпириэнсицэҕэ ыҥырылынна. Байыаннай дьайыы кэмигэр психологическай өйөбүлү уонна психосоциальнай көмөнү оҥоруу эрэгийиэннээҕи үлэтэ болҕомтону тардыбыта бэлиэтэннэ», — диэн этэр Владимир Скрябин. Бу үлэ 2022 сылтан тиһиктээхтик ыытыллар.

Психологическай кииҥҥэ көмөҕө наадыйааччылар 8 (4112) 31-91-09 эрийиэххитин сөп. Бу нүөмэргэ эрийэн улуустарга баар филиаллары чопчулаһыаххытын эмиэ сөп. Маны сэргэ, 8-800-100-35-50 эбэтэр 122 (салгыы 6 уонна 2 кунуопка) үлэлииллэр.

Байыастар уонна кинилэр дьиэ кэргэттэрин кытары үлэлэһэр психологическай киин үлэтэ Ил Дархан Айсен Николаев сорудаҕынан, СӨ Бырабыыталыстыбатын Бэрэссэдээтэлин солбуйааччы Ольга Балабкина сүрүннээһининэн ыытыллар.

СӨ Ил Дарханын уонна Бырабыыталыстыбатын пресс-сулууспата