Хаартыска; SakhaGov
СӨ Бырабыыталыстыбатын бэрэссэдээтэлин солбуйааччы Ольга Балабкина А.Н.Чилингаров аатынан «Арктика: билиҥҥитэ уонна инникитэ» норуоттар икки ардыларынааҕы XV пуорум «Арктика Арассыыйаҕа -– Арассыыйа Арктикаҕа» пленарнай мунньаҕар Тикси-Найба агломерация маастар-былаанын туһунан кэпсээтэ.
2023 сыл сэтинньитигэр Саха сирин Арктиката саҥа олохтоммута: Булуҥ улууһун Тиксии бөһүөлэгэ уонна Найба сэлиэнньэтэ Арктика зонатын тирэх пууннарынан буолбуттара. 2024 сыллаахха «ДОМ.РФ» АУо күүһүнэн «Тикси-Найба» маастар-былаана оҥоһуллубута», -– диэн Ольга Балабкина иһитиннэрдэ.
Кини эппитинэн, 2035 сылга диэри эбийиэктэри тутуу уонна Хотугу муора суолунан айан куттала суох буолуутун хаааччыйыы дьаһалларын киллэриини көрөр базовай сценарий олоххо киллэриллэр. Найбаҕа дириҥ уулаах пуорду тутуу торумнанар.
2040 сылга дойду Хотугулуу-Илиҥҥи өттүгэр бөдөҥ тырааныспар-логистика киинин тутуу былааннанар.
Ольга Балабкина былааны оҥорорго олохтоохтор санаалара учуоттаммытын бэлиэтээн этэ. Ол түмүгэр олорор дьиэлэри уонна инженернэй инфраструктураны саҥардыахтаахтар, сынньалаҥ зонатын оҥоруохтаахтар, түргэн интэриниэтинэн хааччыйыахтаахтар, тырааныспар сырыытын тупсарыахтаахтар уонна олохтоох оҥорон таһаарыыны сайыннарыахтаахтар.
Маастар-былааны олоххо киллэриини сэргэ пленарнай мунньах кыттыылааахтара макро-эрэгийиэн сайдыытын, ол иһигэр тырааныспар инфраструктуратын, инвестицияны тардыы, каадырынан хааччыллыы боппуруостарын дьүүллэстилэр.
Санатан эттэххэ, Тикси-Найба агломерация маастар-былааана РФ бэрэсидьиэнэ Владимир Путин сорудаҕынан оҥоһуллар.
СӨ Ил Дарханын уонна бырабыыталыстыбатын пресс-сулууспата
Ил Дархан Айсен Николаев ахсынньы 11 уонна 12 күннэригэр Дьокуускайга ыытыллар "Төрөөбүт дойду – Арассыыйа…
Муниципальнай тэриллиилэр Сэбиэттэрин киэҥ ыҥырыылаах мунньаҕар РФ Бэрэсидьиэнин управлениетын салайааччытын солбуйааччы уонна ВАРМСУ президиумун чилиэнэ…
"Устуоруйа өйдөбүлэ": Саха сирин олохтоохторун Аҕа дойду Улуу сэриитигэр киллэрбит кылааттарын биллибэт страницаларын арыйыы. Аҕа…
Амур уобалаһыттан кэлбит Татьяна Шутрина инникини кэпсэтии былаһааккатыгар "ПАРТИСИПАТОРНОЕ ПЛАНИРОВАНИЕ КАК АКСЕЛЕРАТОР МУНИЦИПАЛЬНЫХ ПРЕОБРАЗОВАНИЙ" эспиэрдээтэ. …
Хас биирдии эрэгийиэннээҕи күн – дойду үрдүнэн муниципальнай баһылыктар быһаарыыларын уһаарар. Бүгүн Дьокуускайга "Төрөөбүт дойду…
РФ тыа хаһаайыстыбатын министиэристибэтин тыа сирин сайыннарыыга департаменын дириэктэрин э.т. Дарья Рябухина тыа сирин кэлимник…