Салгыы
Норуоттар сыһыаннаһыыларын эйгэтигэр “Бастыҥ бырайыактары” бэлиэтээтилэр

Норуоттар сыһыаннаһыыларын эйгэтигэр “Бастыҥ бырайыактары” бэлиэтээтилэр

12.01.2024, 15:15
Хаартыска: Айталина Аргунова
Бөлөххө киир:

Саха сирин норуоттарын ассамблеятын уонна  өрөспүүбүлүкэ национальнай-култуурунай  холбоһуктарын үгэс буолбут тэрээһиннэригэр  2023 сыл түмүктэрин таһаардылар уонна 2024 сыл былааннарын торумнаатылар. Ону сэргэ общиналар  бастыҥ бырайыактарын уонна көҕүлээһиннэрин ааптардарын быһаардылар.

Тэрээһин чэрчитинэн национальнай-култуурунай холбоһуктар уонна тэрилтэлэр салайааччылара А.Е.Кулаковскай аатынан Норуоттар доҕордоһууларын дьиэтин салалтатын кытары бииргэ үлэлиир туһунан сөбүлэһиигэ илии баттаатылар. Ол курдук, «Якутский казачий полк»,  «Крыныця», «Төрүт эйгэ» уопсастыбалары, армяннар сойуустарын,  уу тырааныспарын институтун кытары сөбүлэһии түһэристилэр.

2024 сыл бэлиэ түгэннэринэн дьаамсыктар култуураларын 5 сыла, “Азия оҕолоро” аан дойдутааҕы успуорт оонньуулара буолуохтара.

Национальнай-култуурунай холбоһуктар өрөспүүбүлүкэҕэ омуктар икки ардыларыгар сыһыаны дьүөрэлиир тэрээһиннэргэ   көхтөөхтүк кыттар былааннаахтар.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
27 мая
  • 19°C
  • Ощущается: 18°Влажность: 30% Скорость ветра: 3 м/с

Сообщить об опечатке

Текст, который будет отправлен нашим редакторам: