Байыаннай эпэрээссийэҕэ көмө оҥорор иистэнэр сыаҕы сүрүннүүр Ирина Егоровна Саввина санаатын үллэстэр:
— Саҥа дьыл уһун өрөбүллэригэр биһиги түөрт күн өрөөбүппүт, тоҕо диэтэр биһиэнэ оҥорон таһаарар сыах буолан үлэ тохтуо суохтаах. Оттон суһал көмө ыстааба бу уһун өрөбүллэргэ сынньаннылар. Байыаннай сулууспаҕа сылдьар биир дойдулаахтарбытыгар анаан тикпит таҥастарбыт мунньулунна аҕай. Сахалыы алгыс тыллаах фирменнэй үрүксээктэрдээхпит. Суругун «Офсет” тэрилтэ оҥорон биэриэхтээх. Саҥа дьыл иннинэ ити кыаллыбатаҕа. Онон Ороһооспонон уолаттарбытыгар ыыппатыбыт. Инньэ гынан иистэнэр сыахха тигиллибит таҥас-сап буолунай. Оҕолорбутугар, биир дойдулаахтарбытыгар кууһунан ыытыахпыт диэн эрэллээхпит.
Волонтердар күн ахсын баҕа өттүлэринэн кэлэн көмөлөһөллөр. Бу фирменнэй үрүксээкпит алгыс тылын-өһүн бэйэм суруйбутум. Бу иистэнэ олордохпутуна оскуола оҕолоро кэлэн көрсөн бараллар. Сүрдээҕин интэриэһиргииллэр. Тикпит таҥастарбытын, хайдах үлэлиирбитин көрөллөр. Оҕолор уруһуй, сурук аҕалаллар. Олору үрүксээккэ уган байыаннай сулууспаҕа сылдьар уолаттарбытыгар ыытабыт.
Маны сэргэ Дьокуускай куорат 8-с №-дээх оскуолатын үөрэнээччилэрэ «Носки братьям» диэн аахсыйанан наскы аҕалтаабыттара. Олору эмиэ үрүксээкпитигэр кэмпилиэк гына укпуппут. Иистэнэр сыахха үлэбит күөстүү оргуйар, ким баҕалаах, кэлэн кыттыһыҥ!
Чокуур Гаврильев ырытыытын көрүҥ.
Саха Өрөспүүбүлүкэтин ыччат дьыалаларыгар уонна социальнай коммуникацияларга миниистир Петр Виталиевич Шамаев бүгүн, ыам ыйын 7…
Таатта улууһун Игидэй нэһилиэгиттэн төрүттээх, Дьокуускай куорат олохтооҕо Анна Григорьева айар үлэтинэн ыччаты патриоттуу тыыҥҥа…
Казахстаҥҥа художественнай гимнастикаҕа норуоттар икки ардыларынааҕы турнир буолла. Манна икки хамаанда өрөспүүбүлүкэ чиэһин көмүскээтэ. Спортсменкалар…
Дьокуускай куоракка «ДНК-тиэскэ Саха сиригэр ыарыы көстүүтүн уратылара» диэн «төгүрүк остуол» буолла. «Төгүрүк остуолга» мэдиссиинэ…
Дьокуускайга А.Е. Кулаковскай аатынан норуоттар доҕордоһууларын дьиэтигэр СӨ Үтүөлээх үлэһитэ Михаил Сивцев «В танце кружится весна»…