Холуобунай ирдэбил үлэһиттэрэ икки уорууну арыйдылар
Дьокуускай куоракка ааспыт сууккаҕа холуобунай ирдэбил үлэһиттэрэ икки уорууну арыйдылар. ИДьМ пресс-сулууспата суруйарынан, икки ноутбук араас кэмҥэ араас тэрилтэлэртэн сүппүт.
Киин куоракка Жорницкай уулуссаҕа баар табаары биэрии пуунуттан ааспыт ыйга ноутбугу уорбуттар. Биирдэм урбаанньыт оробуочай сириттэн ноутбуга сүппүт. Полиция 4-с нүөмэрдээх отделын оперативниктара уорбаланааччыны 20 саастаах ханна да үлэлээбэт 17-с кыбартаал олохтооҕун туппуттар. Уоруйах ноутбугу номнуо ханна эрэ батарбыт.
Иккис уоруу бу ый саҕаланыыта тахсыбыт. Орджоникидзе уулуссаҕа баар саахымат кулуубун дьиэтиттэн ноутбук сүппүт. Полиция 2-с нүөмэрдээх отделын оперативниктара 26 саастаах Мэҥэ Хаҥаластан төрүттээх эр киһини туппуттар. Ноутбугу ылбыттар.
Туһааннаах уорууларынан РФ Холуобунай кодексын 158 ыст. 2 ч. холуобунай дьыалалар көбүтүлүннүлэр.
Сообщить об опечатке
Текст, который будет отправлен нашим редакторам: