Андрей Сорокин хаартыската, ЯСИА.
Бэҕэһээ, тохсунньу 14 күнүгэр силиэдэбэтэллэр, Саҥа дьыл бырааһынньыктарыгар тоҕус оҕо өлбүт Новокузнецкай 1-кы нүөмэрдээх төрүүр дьиэтин кылаабынай бырааһын уонна реанимация салаатын сэбиэдиссэйин туппуттар. Бу туһунан Парламент хаһыата суруйар.
Силиэстийэлиир кэмитиэт официальнай бэрэстэбиитэлэ Светлана Петренко быһаарбытынан, быраабы араҥаччылыыр уорган үлэһиттэрэ уорбаланааччылар эбээһинэстэрин сыыһа толорбуттара өлүүгэ тирэрдибит буолуон сөп диэн сабаҕалыыллар эбит. Федерация Сэбиэтэ алдьархай туһунан федеральнай таһымҥа туох баар ирдэнэр түмүк оҥоһуллуохтаах диир.
Силиэстийэлиир кэмитиэккэ иһитиннэрбиттэринэн, төрүүр дьиэ тутуллубут үлэһиттэрэ Холуобунай кодекс 293 ыст. 3 ч. (“Халатность”) уонна 109 ыст. 3 ч. (“Эбээһинэһи сыыһа толорууттан алҕас иккиттэн элбэх киһини өлүүгэ тириэрдии” ) ыстатыйаларынан уорбаланаллар.
Спикер Валентина Матвиенко Новокузнецкайдааҕы төрүүр дьиэҕэ тахсыбыт алдьархай оҕолорун сүтэрбит ыал аһыыта эрэ буолбатаҕын, оҕо төрөөһүнүгэр бары күүһүн уурар, ийэ, аҕа буолуу сыаннаһын өрө тутар, хас биирдии оҕо олоҕун туһугар кыһаллар бүтүн судаарыстыба алдьархайа диэн эппит.
Силиэстийэ саҕаланна, түмүгү кэтэһэбит, ол түмүгүнэн миэрэ ылыллыаҕа дииллэр. Бу туһунан Парламент хаһыата суруйар.
Ахсынньы-тохсунньу ыйдарга күнү-дьылы кэтээн көрөөччүлэр тугу бэлиэтээтилэр? Ханна ордук тымныы, сылаас этэй? Ханна тыалырда, ардаата?…
«Max» национальнай платформаны алдьаппыттарын туһунан сымыйа сурах тарҕанна диэн сервис пресс-сулууспата РИА Новостига иһитиннэрдэ. Бу…
Ил Дархан Айсен Николаев Уһук Илин уонна Арктика миниистирэ Алексей Чекунков ыыппыт хоту таһаҕаһы тиэйиини…
Дьокуускай куоракка Суһал мэдиссиинискэй көмө станциятыгар 2025 сыл ахсынньы 31 күнүттэн тохсунньу 12 күнүгэр диэри …
Сунтаарга улуус баһылыгын Саҥа дьыллааҕы харыйата хас биирдии оҕоҕо күүтүүлээх кэрэ түгэнинэн буолар. Үөрүүлээх бырааһынньыкка …
Бүгүн, тохсунньу 15 күнүгэр, Дьокуускай куоракка Арассыыйа футболга сүүмэрдэммит хамаандатын экс-хапытаана Алексей Смертин кэллэ. СӨ…