Хаартыска: "Национальнай приоритет" тэрилтэ
Кулун тутар 9-12 күннэригэр эрэгийиэннээҕи бырайыактыыр офис уонна РФ субъектарын пресс-сулууспаларын хамаандаларын 250-тан тахса бэрэстэбиитэлэ, “Национальнай приоритет” тэрилтэ “Россия – страна возможностей” бэрэсидьиэн платформатын “Сенаж” управление мастарыскыайын кытта тэрийэр “Новые национальные проекты: эффективные коммуникации для общего будущего” Бүтүн Арассыыйатааҕы үөрэх бырагырааматын аастылар.
Дойду 82 эрэгийиэнин уопуттаах исписэлиистэрэ бэйэлэрин сатабылларын сайыннардылар: сыһыарыллыбыт ханаалларын кэҥэтэргэ, аудиторияны кытта хардарыта алтыһыыга саҥа суоллары буларга, оҥоһуу өйү уонна аныгы үстүрүмүөннэринэн үлэлииргэ үөрэннилэр, аныгы уларыйыылары кытта билистилэр, кэлэр кэм уларыйыытын анаалыстаан көрдүлэр. Бырагыраама спикердарын кэккэлэригэр бырайыактыыр үлэ, госкуммуникация уонна уоспастыбаннаһы кытта сибээс эйгэтигэр федеральнай уонна эрэгийиэннээҕи эспиэртэр бааллар.
“2025 сылтан дойдуга, эрэгийиэннэргэ саҥа түһүмэх саҕаланна – саҥа национальнай бырайыактары олоххо киллэрии. Тэрээһин сүрүн төрүөтэ бу буолар – биир идэлээхтэрбитигэр сүрүн кэпсээни тириэрдии, саҥа бырайыактар туһунан төһө кыалларынан тиийимтиэтик сырдатыы. Эрэгийиэннээҕи сонуну тарҕатар ситимнэр, пабликтар матырыйаалларын хаачыстыбата, ахсаана үрдээбитин, эрэгийиэн үрдүкү дуоһунастаах дьоно национальнай бырайыактары иһитиннэриигэ көхтөөхтүк кытталларын биһиги көрөбүт. Бу национальнай бырайыактар миэрэлин билиигэ уонна кыаҕын таһымын үрдэтиигэ быһаччы оруоллаах, ол аата элбэх киһи туһанар кыахтаах” – диэн “Национальнай бырайыактар” кэмиэрчэскэйэ суох тэрилтэ генеральнай дириэктэрэ София Малявина эрэгийиэннэри кытта үлэ суолтатын бэлиэтиир. Бу туһунан СӨ официальнай информационнай порталыгар сырдаталлар. Сиһилии манна ааҕыҥ.
Александр Бастрыкин Светлай бөһүөлэгэр бэйдиэ сылдьар ыттар үөрдэрэ саастарын ситэ илик оҕолорго саба түспүт чахчытынан…
Норуоттар сомоҕолоһууларын күнүгэр «Норуот уонна аармыйа — биир сомоҕо» фашизмы утары өрөспүүбүлүкэтээҕи III пуорум чэрчитинэн,…
Бүгүн, сэтинньи 4 күнүгэр, СӨ Бырабыыталыстыбатын бэрэссэдээтэлэ Кирилл Бычков Норуот сомоҕолоһуутун күнүгэр анаммыт «Доҕордоһууну, Эйэни,…
Норуот сомоҕолоһуутун күнүгэр Дьокуускайга автопробег ыытылынна. Бу туһунан Дьокуускай куорат дьаһалтатын пресс-сулууспата иһитиннэрэр. Массыына холуонната…
Байанай ыйа саҕаланар биир күнүгэр Клара Андреевна уонна Никандр Прокопьевич Тимофеевтарга улуу олоҥхону дьоһуннаан олорон…
РФ Силиэстийэлиир кэмитиэтэ Саха сиригэр Алдан куоракка саахалланар туруктаах дьиэ олохтоохторун өр кэмҥэ көһөрбөтөх чахчытынан…