Бүгүн саха биллиилээх суруйааччыта, бастакы литературнай кириитигэ, драматура, Платон Ойуунускайы кытта Саха сиригэр тылы, литератураны уонна култуураны үөрэтэр-чинчийэр институту тэрийсибит Н.М.Заболоцкай-Чысхаан төрөөбүтэ 115 үбүлүөйдээх сыла.
Бу суолталаах үбүлүөйгэ анаан Национальнай бибилэтиэкэ бүгүн «Чысхаан дьыктаана» диэн аахсыйаны тэрийэн ыытта.
Тэрийээччилэр маннык тэрээһин өрөспүүбүлүкэ бары оскуолаларыгар уонна бибилэтиэкэлэригэр ыытыллыбытын туһунан иһитиннэрдилэр.
Аахсыйаны РФ үтүөлээх учуутала, РФ үөрэҕириитин бочуоттаах үлэһитэ, СӨ Учууталларын учууталлара, Өймөкөөн улууһун бочуоттаах олохтооҕо, Н.М.Заболоцкай-Чысхаан аатынан Томтор орто оскуолатын кыраайы үөрэтэр литературнай түмэлин сэбиэдиссэйэ, Николай Заболоцкай-Чысхаан хаан аймаҕа Мария Боярова аста.
— Н.М.Заболоцкай саамай ааҕыллар суруйааччылартан биирдэстэрэ.
Дэлэҕэ да кини айымньыларын оскуола бырагыраамаларыгар киллэриэхтэрэ дуо? Николай Заболоцкай-Чысхаан төрөөбүт литература учебниктарын, методическай пособиеʌарын оҥорсубута, «Хотугу сулус» сурунаалга проза отделын салайбыта. Былаан быһыытынан, суруйааччы төрөөбүтэ 110 сылыгар кинигэ ананыахтааҕа.
Ол гынан баран, ол үлэ бэлэмнэнэн бүтэн эрдэҕинэ, мин уолум, биологическай наука кандидата, кыраайы үөрэтээччи Спиридон Слепцов архыыптан Н.М.Заболоцкай-Чысхаан төрөөбүт сыла 1907 буоларын туоһулуур хас да докумуону булбута. Быһа холоон, паспорт уларыйыытын саҕана тахсыбыт алҕас диэн быһаарбыппыт. Инники өттүгэр суруйааччы олоҕун, үлэтин чинчийээччилэр саҥа көстүбүт датаны болҕомтоҕо ылыахтара диэн эрэнэбит, — диэн санаатын тиэртэ Мария Поликарповна.
Дьыктаан тест курдук оҥоһуллубут. Онно сөптөөх эппиэти булан суруйуохтааххын.
Тэрээһиҥҥэ кыттыбыт дьон аахсыйаҕа кыттыбыттарыгар сэртипикээттэри туттардылар.
Ити курдук, саха суруйааччыта Николай Заболоцкай-Чысхааҥҥа анаммыт күн бэрт интэриэһинэй көрүҥүнэн — дьыктаан суруйар аахсыйанан бэлиэтэннэ.
Балаҕан ыйын 1 күнүттэн дойду үрдүнэн куйаар ситимигэр угуйук туһунан сокуон үлэтин саҕалаата. Саҥа сокуон…
Бөлүүн түүн Хабаровскай кыраай хамаандата Саха сиригэр «ВОИН суола» байыаннай-тактическай күрэхтэһиилэригэр кытта көтөн кэллэ. «Амур…
Бүгүн социальнай ситиминэн аарыма улахан тайах суолу туоруур видеота тарҕаттылар. Тайах Төҥүлүлүүр суолу туораабытын иһитиннэрдилэр.
Дьокуускай куорат биир ураты историческай суолталаах тутуутунан 116 миэтэрэ дириҥнээх Шергин шахтата буолар. Шахта куорат киинигэр…
Саха сиригэр муниципальнай быыбардар бара тураллар. Бүгүн 12:00 чаастааҕы дааннайынан быыбарга куоластааччы 19,63 бырыһыана кытынна.…
Дьокуускай куоракка томороон тымныыларга сылаас тохтобуллар абырыыллар. Киин куорат мэрэ Евгений Григорьев 2021 сыллаахха мэринэн…