Нуорманы таһынан куйаас күннэр туруохтара

Бу нэдиэлэҕэ Саха сиригэр нуорманы таһынан, 6-9 кыраадыс үрдүк, куйаас күннэр тураллара күүтүллэр.

Бүгүн, бэнидиэнньиккэ, бэс ыйын 9 күнүгэр кэккэ оройуоннарынан күнүс +30 кыраадыска диэри итийиэ. Арассыыйа гидрометеосулууспатын научнай салайааччыта Роман Вильфанд кэпсииринэн, салгын температурата нуорматтан 6-9 кыраадыстан үрдүк буолуоҕа.

«Салгын температурата +25-28 кыраадыска туруоҕа, онон баһаар турар куттала төрдүс кылааһыгар диэри улаатыаҕа», — диэтэ кини.

Санаттахха, бүгүн киин оройуоннарга күнүс +25…+30, илин +20…+25, Халыма уонна Арктика кытылыгар +9…+14 кыраадыска тиийэ сылыйар.