Хаартыска ЯСИА архыыбыттан ылылынна
Бэҕэһээ МАХ канаалыгар өрөспүүбүлүкэ Ил Дархана 2026 сылга тыа хаһаайыстыбатын сайдыытын боппуруостарыгар сүбэ мунньах ыыппытын туһунан суруйда.
Кини онно агробырамыысыланнас комплекса тыа сирин-уотун тирэхтээх сайдыытыгар төрүтүнэн буоларынан, онон бу эйгэ куруук күүстээх болҕомто ууруллубута уонна оннук да буолуоҕа диэтэ.
— 2025 сыл өрөспүүбүлүкэ тыа хаһаайыстыбатын сайдыытыгар дьоһун түһүмэҕинэн буолла. Оройуоннар бэйэлэрин тумус тутуллар соруктарын быһаарыыга дьиҥнээх боломуочуйалары уонна үп өттүнэн хааччыллыыны ыллылар. Бу чопчу түмүктэри биэрдэ. Үүт соҕотуопкатын кээмэйэ үрдээн, 63,4 тыһ туоннаҕа тэҥнэстэ, ити иннинээҕи сыллааҕар 5 тыһ. туоннанан үгүөрү. Бу тыа хаһаайыстыбатын табаарын оҥорооччуларын үчүгэй уонна дьоһун ситиһиилэрэ.
Ол эрээри өрөспүүбүлүкэ Бырабыыталыстыбата, хомойуох иһин, мин быһаччы сорудахпын толорбото. Онон сыл түмүгүнэн, былааннарын куоһарбыт улуустар, 60 мөл кэриҥэ солкуобайы ылбатылар. Ону тэҥэ Тыа хаһаайыстыбатын министиэристибэтин улуустарга тиэрпит 2026 сылга үүт соҕотуопкатын былаана 56 тыһ. туоннанан олохтоммут. Бу ааспыт сыллааҕар биллэрдик намыһах.
Маннык сыһыаны кытта олох сөбүлэспэппин. Тыа хаһаайыстыбатын сүрүн сыала-соруга хаачыстыбалаах бэйэ бородууксуйатын оҥорон таһаарыы буолар дии саныыбын уонна биһиги ханнык да усулуобуйаҕа соҕотуопка кээмэйин аччатар кыахпыт суох, төттөрүтүн былааннаахтык элбэтэн иһиэхтээхпит. Онон сибээстээн, Бырабыыталыстыбаҕа олунньу 19 күнүгэр диэри ааспыт сылга нуорманы таһынан туттарыллыбыт үүт харчытын улуустарга диэри тиэрдэргэ, ону тэҥэ өрөспүүбүлүкэҕэ үүтү тутууга 2026 сылга 65 тыһ. туонна былааны олохтуурга, — диэбит Ил Дархан Айсен Сергеевич Николаев.
Кини бу уонна да тыа хаһаайыстыбатыгар сыһыаннаах атын боппуруостары салгыы тус хонтуруолбар ылыам диэн суруйбут.
Саха сиригэр байыаннай дьайыы бэтэрээннэрэ урбаанынан дьарыктаналлар. Ол курдук, биир оннук холобурунан Михаил Павлов арыйбыт…
Пиццаны дьиэҕэ да оҥоруохха сөп, ол эрээри, үксүгэр тиэстэтин сатаабаппыт. Дьэ, итальянскай шеф-повар ырысыабынан оҥорон…
Уус Алдан улууһугар Өспөххө оскуола үөрэнээччилэригэр соторутааҕыта бэрт сэргэх тэрээһин буолан ааста. Нэһилиэк бибилэтиэкэтигэр оҕолорго…
Маны билэҕин дуо? Суруйалларынан, киһи олоҕун тухары сүрэх 3 млрд 300 мөл төгүл тэбэр эбит.…
Нерюнгри оройуонугар быыһааччылар суол быһылааныгар эмсэҕэлээбит киһиэхэ көмөлөстүлэр. Бүгүн, олунньу 6 күнүгэр, 06 ч. 30…
Үүт соҕотуопкатыгар былааннарын толорбут улуустар курдук күүскэ үлэлээбит “Эрэл” кэпэрэтиип аһара туппутун иһин кыайан төлөспөккө…