Ньурба улууһун баһылыга Алексей Иннокентьев анал байыаннай дьайыыга кытта сылдьар уолаттар дьиэ кэргэттэрин, чугас дьоннорун кытары көрүстэ. Көрсүһүүгэ тэрилтэ салайааччылара, нэһилиэк баһылыктара кыттыыны ыллылар.
— Элбэх ыйытыы киирдэ. Төрөппүттэр ас суох диэн долгуйаллар эбит. Уолаттарга элбэх калорийдаах сухой паектара баар, итии аһылык күнүскү кэмҥэ кэккэ биричиинэлэринэн кэмигэр тиийиэ суоҕун эмиэ сөп, ону сөпкө өйдүүллэригэр эттим.
Быраас хамыыһыйатын баралларыгар буккуур тахсарын, Запорожье диэки опорнай пуун наадатын, кирэдьиит боппуруоһын ыйыталастылар. Ньурбатааҕы социальнай харалта салайааччыта Ирина Афанасьевна иһитиннэрбитинэн, саллаат доруобуйатыгар кыра истиэпэннээх эчэйиини ылар түгэнигэр 500 тыһ.солк., онтон ыарахан буоллаҕына 750 тыһ.солк. төлөнөрүн иһитиннэрдэ. Госпитальга сытар киһини көрсө барарга социальнай харалтаттан бырайыаһа төлөнөрүн эттэ.
Төрөппүттэр оҕолоругар баһыылка ыыта сатыыллар. Ханан эрэ эргитэн, кими эмэ көрдөһөн ыытыахтааҕар билигин Арассыыйа Почтатын нөнүө ыытыахха сөп буолбут. Почта үлэһиттэрэ бу ый 14 күнүттэн күүскэ ылсан үлэлээн эрэллэр.
Итэҕэл дьиэтэ баара буоллар диэн туруорсаллар. Сахалыы алгыстанан, итэҕэллээх буоллахпытына санаабыт чэпчиэ этэ дииллэр. Сөптөөх туруорсуу.
Ньурбатааҕы киин балыыһа билиҥҥи ирдэбилгэ эппиэттиир аптечка хомуйан ыытарга бэлэмниир. Манна саамай наадалаах эмтэр, жгуттар киирдилэр.
Билиҥҥи туругунан пуондаҕа 3 мөл. 457 тыһ.солк. киирэн сытар. Мантан 160 тыһ.солк тутуннубут. 100 тыһ.солк. биһиги иистэнньэҥнэрбит матырыйаал ылалларыгар барбыта, 30-туу тыһ.солк. хомуурга сылдьар уолаттар ыарахан усулуобуйаҕа түбэспит дьиэ кэргэттэригэр барбыта. Мантан салгыы пуонда харчытын хамсааһына оройуон хаһыатыгар отчуот быһыытынан тахсар буолуоҕа, — диэн улуус баһылыга телеграмҥа ханаалыгар суруйда.
Бүгүн, балаҕан ыйын 18 күнүгэр, Үөһээ Дьааҥы, Өймөкөөн, Өлөөн, Мииринэй, Эдьигээн оройуоннарыгар инчэҕэй хаар түһэрэ…
Өлүөнэни туоратар муостаны тутуу бигэргэммит кыраапыгынан ыытыллар. Генеральнай бэдэрээтчит уонна бэдэрээтчит тутар-таҥар үлэ комплексын хааччыйаллар.…
“Саха сирэ – Дьоруойдар дойдулара” – билиини уонна уопуту туһанарга уочараттаах хардыы, диир байыаннай дьайыы…
“Саха “ГТРК “Быһа биэрии” биэриитин эпииригэр Айсен Николаев буолан ааспыт олохтоох салайыныы уорганнарын түмүгүн туһунан…
Быйыл сайын Эбээн Бытантай улууһун Дьарҕаалааҕар от үүнүүтэ мөлтөҕүн да иһин, сүөһүлээх-астаах тыа ыаллара сыл…
Бу күннэргэ Өймөкөөн улууһугар толору оту тиэммит массыыналар "Халыма" федеральнай айан суолунан Өймөкөөн улууһун туһаайыытын…