Ньурба хорсун саллаатыгар хоһоон айдылар

Ньурба хорсун саллаатыгар

Туора сир халлаанын анныгар

Уот сэрии хонуутун быыһыгар

Соҕотох хорсуннук кииристиҥ

Өстөөхтүүн өлөрдүү охсустуҥ.

Куттанан хонууга куоппатыҥ

Окуопа түгэҕэр саспатыҥ

Уолуйар, олорор буолбатыҥ

Билиэҥҥэ бэринэн кээспэтиҥ.

Бүтэһик тыыҥҥынан кииристиҥ

Өлөр диэн тугун эн биллиҥ

Дьиҥ чахчы геройдуу охсустуҥ

Ол иһин тыыннаах эн хааллыҥ.

Туора сир халлаанын анныгар

Ол иэдээн, алдьархай түгэҥҥэ

Төһөлөөх дойдугун санаатыҥ

Хараххар ийэҕин эн көрдүҥ…

Киэн тутта билигин этэбит

Геройгун,хорсуҥҥун,

Ньурбаҕын.

Дойдугун,норуоккун ааттаттыҥ

Саханы эн өрө таһаардыҥ.

Барыта этэҥҥэ буолуоҕа

Дойдугар, Ньурбаҕар эргиллиэҥ,

Өр да өр тобуктаан олорон

Тапталлаах ийэҕин эн кууһуоҥ.

Оруоса, Эдьигээн

04.01.2025 с.