Ньурба Маалыкайыгар дьиэ умайбыт

Ньурба улууһун дьаһалтатын олоҕу-дьаһаҕы хааччыйар сулууспата иһитиннэрбитинэн, муус устар 8 күнүгэр сарсыарда 9 ч. 59 мүн. баһаарынай чааска Маалыкайга Березовай уулуссаҕа аадырыстаах дьиэҕэ баһаар буолбутун туһунан иһитиннэрии киирбит.

10 ч. 3 мүн. 4 киһилээх, биир баһаарынай массыыналаах сулууспа хамаандата тиийэн, 4 №-дээх дьоҕус баһаарынай чаас салайааччыта Артур Иванов салайааччылаах хамаанда баһаары утары охсуспуттар.

Уоту 10 ч. 27 мүн. умуруорбуттар. Баһаар түмүгэр дьиэ 10 кв.м. иэннээх ис эркинэ уонна дьиэ үрдэ уокка былдьаммыт. Уот туохтан турбут төрүөтүн быһаараллар.  Баһаартан сэрэхтээх буолуу быраабылатын халбаҥнаабакка тутуһаргытын санатабыт! диэн Ньурба улуһуун дьаһалтатын пресс-сулууспата суруйар.