Ньурба — Малдьаҕар кыһыҥҥы суол аһылынна

Бүгүн, ахсынньы 12 күнүгэр, Марха өрүскэ муниципальнай суолталаах Ньурба — Малдьаҕар туһаайыытынан муус суола 4 тоннаҕа диэри уйуктаах массыыналарга аһылынна.

Бүгүҥҥү туругунан Саха сиригэр 22 айан-сырыы кыһыҥҥы суола оҥоһуллан, аһыллан үлэлиир.

Бу кыһын барыта 51 муус суолунан айан-суола оҥоһуллан, арыллара былааннанар. Мууһунан кыһыҥҥы суол аһыллыытын болдьоҕо атын өрүстэргэ күн-дьыл туругуттан көрөн бигэргэниэ.