Ньурба олохтооҕо былаас бэрэстэбиитэлигэр күүһүнэн өттөйүү иһин иккистээн сууттаныаҕа

Ньурба оройуоннааҕы суутугар сулууспалыыр эбээһинэһин толоро сылдьар былаас бэрэстэбиитэлигэр күүһүнэн өттөйбүт Ньурба куорат 63 саастаах олохтооҕун холуобунай дьыалата киирбит. Кини былаас бэрэстэбиитэлин хаста даҕаны охсубут. Бу туһунан СӨ сууттарын пресс-сулууспата иһитиннэрэр.

Бу киһи 2024 сыл алтынньы 18 күнүгэр маннык буруйун иһин эмиэ сууттана сылдьыбыт. Онно суут икки ый дьиэҕэ хаайарга миэрэ ылбыт.